Item want peter vand(er) calste(re)n nae den rechte der stat van loven(e)/ come(n) en(de) geleidt is tot alle(n) den goede(n) henrix vand(er) calste(re)n sijns/ vaders voirscr(even) gelijc voirscr(even) steet soe es bevorwart en(de) onder/ sproken dat de voirs(creven) brieve ond(er) de clerke sele(n) blive(n) liggende/ also lange als de voirs(creven) henric de vad(er) leve(n) sal inder manie(re)n/ h(ier) nae volgende Te wete(n) inde(n) yersten dat de voirs(creven) pet(er) hem/ met den voirs(creven) brieve sal moegen behelpe(n) en(de) te hemw(er)t trecke(n)/ de goede h(ier) nae bescreve(n) Inde(n) yersten thof en(de) de goede van/ velthem met allen hoe(re)n toebehoirte(n) It(em) thof en(de) de goede vand(er)/ / wolfshagen met hoe(re)n toebehoirte(n) It(em) xi dach(mael) boschs geheten den/ endenpoel gelegen te libbeke It(em) iii boender en(de) een dach(mael) boschs/ gelegen te vae(re)nzijp inde p(ro)chie van pellenberch in v stucke(n) ald(aer)/ It(em) thof den tsijs de heerlicheit en(de) pontgelt vand(er) nuwer ca/ pellen met allen hoe(re)n toebehoirten teghen welke goede voirg(eruert)/ vorw(er)de es en(de) onderspreck dat henric vand(er) calste(re)n de jonge des/ voirs(creven) peters brueder hebben sal de goede h(ier) nae bescr(even) Te wete(n) de/ heerlicheit en(de) de goede van lynden met allen hoe(re)n toebehoirte(n)/ It(em) iii dach(mael) bosschs gehete(n) therentken It(em) de goede van beeveke(m)/ met alle(n) hoe(re)n toebehoirte(n) Item voirt es bevorw(er)t wairt also dat/ e(n)nich vande(n) voirs(creven) goede(n) bij taxacien van goede(n) ma(n)nen hen des ver/ staende beter bevonde(n) worde(n) dan dande(re) dat dan de ghene diens/ goede argher bevonde(n) worde(n) dat gebreck verhale(n) sal moege(n) ter goed(er)/ ma(n)nen prise aen de goede van troembeke ende soe wes dae(re)n bove(n)/ vande(n) selve(n) goede(n) van troembeke beter bevonde(n) wordt dat dat de/ voirs(creven) henrick de jonge en(de) peter sijn brueder gelijc deylen selen Be/ houdelic dien dat sij joffr(ouwe) m(ar)griete(n) hoe(r) suster d(aer)af gheve(n) selen/ bove(n) hoir huweleke vorwarde be vijf mudde rogs d(er) mate(n) van loven(e)/ erfs pachts Behoudelic oec in desen saken voirg(eruert) en(de) h(ier) nae bescr(even)/ dat de voirs(creven) henric vand(er) calste(re)n de vader in deser ordina(n)cien ende/

condicien bove(n) begrepe(n) hebbe(n) en(de) behoude(n) mach sijn afdoen toedoen/ mynde(re)n en(de) vermeerde(re)n en(de) anders soet hem in sijne(n) leve(n) goetdu(n)ke(n)/ sal sond(er) argelist Voirt es vorwairde dat de voirs(creven) peter noch met/ de(n) voirs(creven) brieve(n) trecke(n) sal de woenynge met hoe(r) toebehoirte(n) ge/ legen te loven(e) in doude mu(n)tstrate Behoudelic dien dat de selve/ peter d(aer)af sal doen doen twee missen ter weeken erflic/ Te wete(n) een misse te sente mychiels en(de) een int groet beghijn/ hof dairt de voirs(creven) henr(ic) de vader ordine(re)n sal Behoudelic oec/ dien dat de selve peter die bewisen mach op goede ande(r) pande/ It(em) es noch bevorwairt dat de voirs(creven) peter noch met den voirs(creven)/ brieve(n) hebbe(n) en(de) te hemw(er)t trecke(n) sal uut den voirs(creven) goede(n) van/ lynden inde(n) yerste(n) (½) dach(mael) wijngarts gelege(n) opten ouden/ lyndenberch tusscen de goede scloesters van sente g(er)truden/ te loven(e) en(de) le(m)mens van loen It(em) noch xxxii roede(n) wijng(ar)ts/ gelege(n) opte(n) caberch tusscen de goede lauwreys vande(n) velde en(de)/ symoens inden rynck It(em) een vierdel wijngarts gelege(n) opte(n)/ ame(n)berch neve(n) den wijngart wilen jans inde(n) zwane Behou/ / delic dat de selve peter tselve vierdel wijngarts en(de) den/ voirsc(reven) tsijs vand(er) capelle(n) vande(n) voirs(creven) henric sijne(n) brueder/ te leen houde(n) en(de) ontfaen sal ende alle dande(r) wijng(ar)de/ selen den voirs(creven) henr(icke) sijne(n) brueder volgen uutgenome(n) die/ roelove vranx te huweleke gegeve(n) sijn Item alse vande(n)/ beruerleke(n) goede(n) die acht(er) den voirs(creven) henric de vader blive(n)/ selen es vorwairde dat de voirs(creven) henr(ic) de jonghe peter sijn brued(er)/ en(de) joffr(ouwe) m(ar)griete hoir suster die gelijc in drien deylen sele(n)/ en(de) de wittige schout acht(er) hem blive(n)de d(aer) af gelijc dragen/ ende ghelde(n) op alsoe dat de voirs(creven) henric de vad(er) met der/ selver have(n) schicken en(de) ordine(re)n mach soet hem gelieve(n)/ sal en(de) dair mede doen sijne(n) vryen wille allen zaken/ voirs(creven) sond(er) arl argelist hugarden naen junii xv