Van stasse ende henricke(n)/ tribouts gebruede(re)n/ Het sijn come(n) in rechte voir meye(r) en(de) scepen(en) van loeven(e) stas en(de) henrik/ trybouts gebruede(re) die nae den rechte der stat van loven(e) come(n)/ en(de) geleidt sijn tot den goeden jans van boesscot soen arnts van boesscot/ in deen zijde ende jan van boesscot voirscr(even) in dande(re) Dair de voirs(creven)/ gebruede(re)n ond(er) den ande(re)n versochten datmense vande(n) goede(n) hier/ nae bescreve(n) houden woude in hoe(re)n beleide bij veel en(de) notablen/ redene(n) die sij dair toe deden segge(n) Ierst van ene(n) beemde gehete(n)/ de vranken donck gelege(n) te beetheke(m) tusschen de goede h(e)r(e)n henrix/ vand(er) rivie(re)n en(de) gheerts van diest It(em) van ene(n) beemde gelege(n) inde/ scoffe tot arscot tussce(n) de goede sheylichs gheests van arscot en(de) tgast/ huys van arscot Item van ene(n) beemde gelege(n) te weerde tussce(n) de/ goede willems vand(er) meynartshove(n) en(de) de deeme(r) Ite(m) van eenen/ stucke lands gelege(n) neven den langenberch tussce(n) de goede yden huc/ kentheens en(de) jans van waenrode It(em) van eene(n) wijng(ar)de gelege(n) opte(n)/ dorenberch tussce(n) de goede jans van nuwerode en(de) jans stypelart Item/ van ene(n) wijng(ar)de(n) gelege(n) te ghymele tussce(n) de goede lauwreys griete(n)/ en(de) jans luyte(n) Item van huyse en(de) hove met sijnre toebehoirte(n) gelege(n)/ opte(n) scaluyn tussce(n) de goede jans trybouts en(de) yden van aschbroeck/ Item van eenre heerlicheit gelege(n) te ro(m)melede dieme(n) te leene/ helt van de(n) he(re) van elde(re)n It(em) van (½) boend(er) bosch geleg(en) te ro(m)melede/ gehete(n) de doude else It(em) van xiiii rijnsche(n) gul(den) erflek(er) rente(n) aen/ en(de) op zeke(r) pande en(de) goede gelege(n) gehete(n) joffrouwe yden velt ge/ lege(n) tarscot datme(n) te leene helt vande(n) he(re) van arscot It(em) van ene(n)/ rinscen gul(den) erf tsijs op ene(n) beemt pet(ers) sluyte(re) gelege(n) inde lange/ beemde It(em) huys van ene(n) huyse en(de) hove met sijnre toebehoirte(n)/ gelege(n) tarscot opte marct tusscen de goede jans van lylle en(de) gords/ van zallake(n) v It(em) van alsulk(er) have(n) als de voirs(creven) jan houden(de) was/ en(de) nu sijn inde(n) huyse(n) dair de selve jans wonechtich was [es] geleg(en)/ te beethekem Ende de wed(er)p(ar)tie alrehande redene(n) ter cont(ra)rien/ diene(n)de dede segge(n) en(de) allige(re)n also dat ten eynde en(de) ten uutd(ra)ge/ bij lange(n) v(er)volge en(de) p(ro)cesse van rechte de scepen(en) van lov(en) bij ma/ nissen des meyers van loven(e) wijsde(n) voir een vo(n)nis datme(n) de/ gebruede(re) tribouts vande(n) voirs(creven) goede(n) houde(n) soude in hoe(re)n beh beleyde/ cor(am) pynnoc milite abs(oloens) calst(ris) wittema(n) hug(ar)den sept(embris) x