SAL7730, Act: R°248.1 (240 of 429)
Search Act
previous | next
Act R°248.1  
Act
Date: 1437-01-31

Transcription

2019-02-01 by Yves Sergeant
It(em) jannes vande(n) putte sone jans van putte te voe(re)n uut des selfs/
sijns vaders brode gedaen in jegenwordich(eit) d(er) scepen(en) va(n) loeve(n) gestaen/
heeft bekendt en(de) v(er)lijdt openbaerlic dat hi goede wittighe en(de) gewarige/
deylinge gehadt heeft van alle den goeden beruerlic en(de) onberuerlic/
die bleven zijn na de doet des kath(er)ine(n) wilen zijnre moed(er) en(de)/
blive(n) selen na de doet des vors(creven) jans sijns vaders so waer die goede/
gelege(n) en(de) met wat namen die genoemt zijn Met ene(n) halve(n) boend(er)/
lants luttel min? oft meer [gelege(n)] inde p(ro)chie van boensbeke opt lyndeken/
tussche(n) de goede de heylichs gheests va(n) loeven en(de) de goede der/
cap(it)len va(n) s(en)te g(er)maens te thiene(n) gelijcmen tselve half boend(er) lants/
van arnde van bleetsbeke in leenschen rechte houdende es Dwelc/
de(n) vors(creven) jannes vande(n) putte in sijnre deylinge(n) gevallen es de/
selve jannes vande(n) putte met (con)sente (et) wille des vors(creven) jans sijns/
vad(er)s op alle de ande(re) goede beyde beruerlic en(de) onberuerlic die/
bleve(n) sijn na de doet d(er) vors(creven) wile(n) ka(theri)[ne(n)] sijnre moed(er) en(de) blive(n)/
sele(n) na de doet des voirs(creven) sijns vaders metten halme openbaerlic/
v(er)tijende tot behoef henrics reyners nycholai georgii petri godefridi/
aleydis (et) marie sijnre bruede(r) en(de) zuste(re)n openbaerlic metten/
halme vertijende cor(am) roelofs boxhor borchoven ja(nuarii) xxx pe(nulti)[ma]
ContributorsWalter Winnelinckx
Moderated byWalter Winnelinckx
Last update: 2016-02-03 by xavier delacourt