SAL7730, Act: R°254.4 (244 of 429)
Search Act
previous | next
Act R°254.4  
Act
Date: 1437-02-05

Transcription

2019-01-31 by Yves Sergeant
It(em) also als gheert de hertoge die beleidt is tot den haefleken goede(n)/
wouters vander berct van meerhout hadde doen scrive(n) aen de(n) meye(r)/
van meerhout dat hij den voirs(creven) gheerde wed(er) leve(re)n soude ii p(er)de en(de)/
een coe die hij hem afgepant hadde ten versueke jan coels en(de)/
jans daems voir scout die sij woute(re)n vand(er) berct eysscende wae(re)n/
met meer woirde(n) (et)c(etera) Ende de voirs(creven) gheert de voirs(creven) sake bevonde(n)/
heeft met rechte te meerhout gehandelt sijnde Soe heeft de/
voirs(creven) gheert den voirs(creven) ja(n)ne coels en(de) janne daems geconsenteert/
dat sij de voirs(creven) sake voirt vorde(re)n moegen inde banc voir meye(r) en(de)/
scepen(en) van loven(en) meerhout dair sijse bego(n)ne(n) hebbe(n) en(de) [geloeft] dat hij/
hen met sine(n) voirs(creven) beleide aen de voirs(creven) sake gheen hijnd(er) doen/
en sal smacht capel(le)[ma(n)] [ov(er)wynge iunior] febr(uarii) qu(ar)ta
ContributorsWalter Winnelinckx
Moderated byWalter Winnelinckx
Last update: 2016-02-03 by xavier delacourt