It(em) alsoe als peter van droege(n)bosch gevo(n)nist heeft voir meye(r) en(de) scep(enen)/ van loven(en) sek(ere) scepen(en) brieve van loven(en) sprekende van xvi love(n)sce(n) peters/ d(er) mu(n)ten h(er)toge ph(ilip)s (et)c(etera) lijfpensien te ii live(n) gelijc sijn scepen(en) brieve/ die hij d(aer) af heeft uutwisen en(de) beg(ri)pen Soe es de meye(r) van lov(en)/ met de(n) scepen(en) van lov(en) ter manisse(n) des voirs(creven) meyers en(de) vo(n)nisse/ der selv(er) scepen(en) getrocke(n) opte pande vande(n) voirs(creven) rente(n) te wete(n) op thof/ tov(er)wynge(n)? gelege(n) bij zeve(n)borne(n) Dair hij den voirs(creven) pete(re)n met rechte/ leverde de pande die hij opte voirs(creven) pande vant Te weten
//
omtrent xiiii stucke(n) ho(r)enbees It(em) omtrent c en(de) xxv scape/ It(em) omtrent xl verken It(em) iiii p(er)de ene(n) wage(n) met meer/ ande(re)n pande(n) opt voirs(creven) hof wesende welc pande de/ voirs(creven) peter dede drive(n) ten wille en(de) beg(er)te(n) henrix loy/ wynne opt voirs(creven) hof op sek(ere) goede den voirs(creven) wynne toehoe(re)nde/ dair bij gelege(n) Op alsulke(n) vuege dat de voirs(creven) wynne geloeft/ heeft den voirs(creven) pete(re)n vestich(eit) te doen van sine(n) gevalle(n) rente(n)/(en)de coste dat(er) die d(aer) op gegaen es met rechte die de voirs(creven)/ peter groetste op lxx pet(er)s d(er) voirs(creven) mu(n)te(n) bynne(n) viii dage(n)/ naestcomen(de) en(de) borchtoght d(aer) af te brenge(n) also dats pet(er)/ tevrede(n) sijn mocht en(de) soe wair hij bynne(n) den voirs(creven) tide dat/ dade soe soude(n) de beeste(n) den wynne volge(n) en(de) en dade hijt/ niet soe soude pet(er) met sin den voirs(creven) pande(n) sijn p(ro)fijt/ doen en(de) die v(er)cope(n) moege(n) gelijc alst vo(n)nis gewijst heeft/ en(de) oft de voirs(creven) pande voir de voirs(creven) so(m)me niet genoegh/ en wa(r)en Soe heeft de voirs(creven) meye(r) van lov(en) den met/ den voirs(creven) scepen(en) van lov(en) gelev(er)t den voirs(creven) pete(re)n de voirg(eruerte)/ goede die sijn pant sijn voir sijn voirs(creven) rente en(de) voir den cost d(air)/ op gegaen mette(n) rechte capellema(n) smet febr(uarii) xv