SAL7730, Act: R°264.1-R°265.1 (260 of 429)
Search Act
previous | next
Act R°264.1-R°265.1  
Act
Date: 1437-02-23

Transcription

2019-05-25 by Yves Sergeant
Cond sij allen lieden dat jan van bost soen jans van bost van wulveshe(m)/
es come(n) in jeg(enwordicheit) der scepen(en) van loven(en) en(de) heeft genome(n) en(de) bekent dat hij/
genome(n) heeft van sandrarde van hemptinez he(re) van soey thof des voirs(creven)/
sandraerts met den wynne(n)den lande ge also verre dat den voirs(creven) hove/
toebehoirt gelegen te d jandraine gelijc dat jan bornema(n) voirtijts gehoude(n)/
heeft en(de) gelijc de voirs(creven) goede den voirs(creven) sandrart aldair toebehoe(re)n in welk(en)/
wynni(n)ge(n) gerekent sijn de twee groete wynhoeve voir lant te velde Te/
houden te hebben ende te wynne(n) van ons(er) liever vrouwen dage licht/
misse lestleden ene(n) t(er)mijn van neghen [dat was int jair xiiii vijfendertich ... ene(n) t(er)mijn van drien] jae(re)n langc deen nae dander/
dair nae sonder middel volgende Elx jaers dae(re)n bynne(n) voir tweennegentich mudde harts co(r)ens[te wete(n) elc boender]/
[vanden voirs(creven) lande also verre alst inde mate strect voir vijfthien dossynen] co(r)ens tv te wete(n) xl mudde d(aer)af tarwe en(de) dander/
hart co(r)en pacht van jandraine [uutgenome(n) in dierste jair dan en sal hij gheen tarwe gheve(n)]exl elx goet en(de) payabel der mate van/
jandraine te sente andries misse apostels te betalen en(de) int voirs(creven) hof/
te leve(re)n uutgenome(n) xxv mudde dair af de welke de voirs(creven) wynne jairlix/
leve(re)n sal op sine(n) cost te thiene(n) te name(n) oft te soeye dairt den voirs(creven) sandr(art)/
alrebest gelieve(n) sal Item alle jae(re) den voirs(creven) t(er)mijn due(re)nde en(de) telken/
t(er)mine als vervolghde schout [It(em) es vorwarde dat de voirs(creven) wynne ten lesten jae(r) van sinen voirs(creven) t(er)mine ghene(n) pacht voirde(n) voirs(creven) lande betale(n) en sal] It(em) sal de voirs(creven) wynne oec hebben allet/
geleeghe mette(n) wermoeshove en(de) twee cleine(n) bogarden sonder pacht/
en(de) dair voe(r) sal de voirs(creven) wynne [aende huysinge] alle jae(re) den voirs(creven) t(er)mijn due(re)nde doen/
verdecken v[c] walme(re) op sine(n) cost en(de) op sandrarts dachue(re)n It(em) sal/
de voirs(creven) sandrart den voirs(creven) wynne vander voirs(creven) so(m)men borgen xx [quijtscelden sesse] mudde(n)/
acht [dossyne(n)] co(r)ens [eens bynne(n) den voirs(creven) t(er)mine tot des voirs(creven) wynnen moeten]en(de) die sal hem de wynne wed(er)gheve(n) moete bynne(n) den voirs(creven)/
t(er)mine tsijnre moeten It(em) sal de voirs(creven) sandraert den voirs(creven) wynne/
borgen alle jae(re) xx mudde co(r)ens vande(n) ene(n) sente andr(ies) misse tot/
den ande(re)n op dat de wynne wilt It(em) wairt also dat de voirs(creven) sandr(aert)/
bynne(n) den voirs(creven) t(er)mine dade make(n) ene(n) aenhanc aen de schue(r) vande(n)/
voirs(creven) hove Soe [es] vorw(ar)de dat de voirs(creven) wynne den wercliede(n) d(air)af den/
montcost betale(n) sal en(de) sandraert sal de dachue(re)n betale(n) Mer dade/
sandr(aert) e(n)nige(n) ande(re) nuwe ty(m)meri(n)ge make(n) tsine(n) behoef dair inen/
soude de wynne niet gehoude(n) sijn It(em) sal de voirs(creven) wynne de huysinge/
vande(n) voirs(creven) hove doen vorsten en(de) plecken en(de) de huysinge houde(n) den/
voirs(creven) t(er)mijn due(re)nde vander onderster rikelen nederwairt [al] op sine(n) cost/
en(de) op sandr(aerts) dachue(re)n [It(em) es vorwarde dat de voirs(creven) sandraert ten naesten behoirleke(n) tijde nae verstrecken vande(n) voirs(creven) t(er)mine sal doen acke(re)n op sine(n) cost twee boend(er) [lands] dwelc de voirs(creven) jan sal moege(n) doen mesten mit sine(n) meste en(de) alst gemest es sal de voirs(creven) sandr(aert) die doen besaeyen op sine(n) cost mer jan sal den zaet d(air) toe leve(re)n en(de) als die vrucht d(air) af tijt veerdich is Soe sal jan die te hemw(er)t trecke(n) en(de) sijn p(ro)fijt dair mede doen gelijc sandrart dede ii boend(er) som(er)co(r)ens vande(n) co(r)en des voirs(creven) jairs] It(em) sal de voirs(creven) wynne hebbe(n) alle de weyen
//
van allen des voirs(creven) sandr(aerts) bosschen aldair gelege(n) den voirs(creven) t(er)mijn/
due(re)nde alst hout drie jair out is It(em) sal de voirs(creven) wyn den voirs(creven)/
sandr(aert) saeyen alle jae(re) den voirs(creven) t(er)mijn due(re)nde iii dossyne(n) lijnzaets/
gelijc den sine(n) dair toe dat sandr(aert) hem den saet leve(re)n sal It(em)/
oec sal de wyn voirs(creven) den voirs(creven) sandr(aert) houden lopende alle jae(re)/
vier verken d(air) af deen ene(n) beer sijn sal en(de) die vuede(n) gelijc/
den sine(n) It(em) sal de voirs(creven) heeft de voirs(creven) sandr(aert) den voirs(creven) wynne/
gelevert ten aenneme(n) vande(n) voirs(creven) t(er)mine iiii perde met allen/
hoer(re)n toebehoirte(n) van getouwe ploege eechden ii coeye i soch/
oft twee met ande(re)n cleine(n) verken(en) al getaxeert te same(n) op/
achtenvijftich gripen te wete(n) xl pl(acken) voir e brab(ants) gelts voir elc/
g(ri)pe gerekent welke lviii g(ri)pen de voirs(creven) wynne geloeft heeft den/
voirs(creven) sandr(aert) te betalen ten afsceide(n) vande(n) voirs(creven) t(er)mine als v(er)volghde/
schout It(em) want de voirs(creven) wynn sandr(aert) den voirg(enoemde) wynne te ingaen/
vande(n) voirs(creven) t(er)mijn geleent heeft xii mudde harts co(r)ens en(de) xv mudde/
evene(n) beyde pacht en(de) mate van jandraine Soe es vorw(ar)de dat/
de voirs(creven) wynne die den voirs(creven) sandr(aert) ten afsceide(n) des voirs(creven) t(er)mijns/
wed(er) gheve(n) en(de) betale(n) sal als vervolghde schout It(em) sal de voirs(creven)/
wynne jairlix den voirs(creven) t(er)mijn due(re)nde copen aen de thiendeschue(r)/
iii[c] schove stroes en(de) die brenge(n) inde voirs(creven) wynni(n)ge It(em) sal de voirs(creven)/
wynne jairlix den voirs(creven) t(er)mijn due(re)nde hebben een groet roede houts/
op sandrarts bosch en(de) dair met sal hij houde(n) de scaveyen en(de) ryole(n)/
die de wate(re) inde lande maken It(em) w(air)t also dat de wynne woude/
e(n)nige bloeke oft ande(r) lande hoer vruchte(n) Soe es vorw(ar)de dat hij die/
dair voe(r) soude moete(n) mesten It(em) sal de voirs(creven) wynne alle de vrucht/
vande(n) voirs(creven) goede(n) jairlix come(n)de int voirs(creven) hof brenge(n) en(de) te meste/
beke(re)n en(de) dat weder opte lande te vue(re)n sonder d(air) af yet uut te vue(re)n/
te vercope(n) oft inde(n) oven te verberne(n) It(em) wairt also dat de voirs(creven) wynne/
bynne(n) den voirs(creven) t(er)mine scade hadde of lede aen de voirs(creven) goede van tem/
peeste van hageslagen van wynde oft van onwede(r) [of van gemeine(n) oirloge] d(ai)raf So es vorw(ar)de/
dat de voirs(creven) sandr(art) den voirs(creven) wynne dat afslaen sal gelijc me(n) bove(n)/
en(de) onder doen sal en(de) van anders niet It(em) sal de voirs(creven) wynne de(n)/
voirs(creven) sandr(art) jairlix den voirs(creven) t(er)mijn due(re)nde leve(re)n en(de) gheve(n) een/
half mudde raepsaets en(de) (½) mudde erwete(n) It(em) want de voirs(creven)/
wynne int income(n) vande(n) voirs(creven) t(er)mine vande(n) voirs(creven) lande besaeit vant
//
xxvii boender met wijntercorne getaxeert op hondert en(de) sessentseve(n)tich/
mudde co(r)ens der voirs(creven) maten Soe es vorwarde dat de voirs(creven) wynne die weder/
tsinen afsceide(n) besaeit late(n) sal opte voirs(creven) taxacie eest beter dat sal de wynne/
hebben eest argher dat sal hij sandraert voldoen mer wairt oec alsoe dat/
men bevonde dat des voirs(creven) lan besaeits lands meer of myn besaeit bevonden/
worde oft dats de wynne meer of myn aenveert hadde dan voirscr(even) steet soe/
es vorwarde dat de voirs(creven) wynne nae die gelangde int afsceide(n) vande(n) voirscr(even)/
t(er)mine betale(n) sal Ende alle dese voirs(creven) vorw(ar)den (et)c(etera) cappellema(n) smet febr(uarii) xxiii
ContributorsWalter Winnelinckx
Moderated byWalter Winnelinckx
Last update: 2016-02-03 by xavier delacourt