SAL7730, Act: R°356.1-V°357.1 (346 of 428)
Search Act
previous | next
Act R°356.1-V°357.1  
Act
Date: 1437-04-22

Transcription

2020-10-14 by Yves Sergeant
Cond sij allen lieden dat peter block van beerse bij turnhout es comen/
in jegewoirdich(eit) der scepen(en) van loven(e) en(de) heeft genome(n) en(de) bekent dat/
hij genome(n) heeft van he(re)n henricken van monthenake(n) proefst scloesters/
van heyleshem inden name en(de) van wegen des selfs cloesters de goede/
den voirs(creven) g cloester toebehoe(re)nde gelegen te boensbeke in huysen hove(n) erfpachte/
wynne(n)den landen beemden eeusselen mett(er) groter thienden mett(er) la(m)mer/
thienden mett(er) wolle thienden mett(er) ganssen thiende(n) en(de) hoeythiende/
also verre als de voirs(creven) goede den voirscr(even) cloeste(r) toebehoe(re)nde sijn uutgenome(n)/
den beemt aent valgader te boensbeke gelegen Behoudelic oec dien dat/
m(ijn) he(re) dabdt en(de) co(n)vent tvoirs(creven) goidshuys hebben en(de) behoude(n) selen tot hoe(re)n/
p(ro)fite de nuwe came(r) mette(n) solde(r) dair bove(n) inde [It(em)] den wy wuwer bynne(n)/
der voirscr(even) wony(n)gen gelege(n) It(em) den tsijs mett(er) heerscapien en(de) oec de/
goede die voir den tsijs uutgewo(n)ne(n) sijn It(em) de bossche te boensbeke geleg(en)/
It(em) den nuwenbosch dwelc bosch plach te sijn ende de thiende te pamele/
inde welke goede staphans voirscr(even) de voirs(creven) wynne gheen recht/
hebben en sal Te houden te hebben en(de) te wynne(n) van halfmeerte naest/
come(n)de ene(n) t(er)mijn van twelf jae(re)n langc dair nae deen nae dander/
staphans volgende Elx jaers dae(re)n bynne(n) de voirs(creven) lande en(de) thienden/
om en(de) voir tweehondert mudde harts coe(re)ns goet en(de) payabel met wa(n)ne/
en(de) veede(re)n wel bereit pacht van boensbeke en(de) mate van thiene(n) Te wete(n)/
sesse halster der selver mate(n) voir elc mudde gerekent en(de) voir vijftich/
mudde goeder bruwegheesten en(de) vijftich mudde goeder bruwe spelte(n) en(de)/
xxv mudde evene(n) elx coe(re)ns goet en(de) payabel der voirs(creven) mate(n) van/
thiene(n) te sente andries misse apostels te betalen den voirs(creven) proefst he(re)n/
gheerde van boerde boerle henricke(n) motte den jongen oft den ene(n) van/
hen brengher sbriefs alle en(de) te leve(re)n te wete(n) viii mudde harts coe(re)ns/
te lovenscher mate(n) bynne(n) der stat van loven(e) en(de) dander harts coe(re)n/
bynne(n) der voirs(creven) wynni(n)ge(n) en(de) dat te houde(n) op sine(n) cost tot zinxene(n)/
toe op dat den goidshuyse gelieft oft te thiene(n) dairt den selve(n) goidsh(uyse)/
best gelieve(n) sal It(em) de gheerste en(de) de evene(n) te thienen en(de) de/
spelte bynne(n) den voirs(creven) cloester al op swynne(n) last en(de) cost jairlix den/
voirs(creven) t(er)mijn due(re)nde en(de) telken t(er)mine als vervolghde schout It(em) sal de/
voirs(creven) wynne jairlix noch gheve(n) sond(er) af den diene(re)n des voirs(creven) goidshuys/
een mudde harts coe(re)ns pacht en(de) mathe voirs(creven) en(de) dat te thiene(n) leve(re)n/
It(em) heeft noch genome(n) de voirs(creven) wynne en(de) bekent dat hij genome(n) heeft/
tegen den voirs(creven) proefst vandes voirs(creven) goidshuys wegen de thiende van/
boeslynte(r) met hoe(r) toebehoe(re)n(en) toebehoirte(n) Te houden en(de) te hebben den/
voirs(creven) t(er)mijn due(re)nde elx jaers dae(re)n bynne(n) voir enentwintich mudde/

//
haerts coe(re)ns pacht en(de) mathe voirs(creven) Ende voir x(½) mudde goeder bru/
weg(er)sten en(de) elfdalf mudde goeder bruwespelten alle jae(re) te sente/
andries misse apostels te betalen en(de) te leve(re)n als voir gescreve(n) staet/
den voirs(creven) p(er)sone(n) oft den ene(n) van hen breng(er) des briefs jairlix den voirs(creven)/
t(er)mijn due(re)nde en(de) telke(n) t(er)mine als vervolghde schout It(em) sal de voirs(creven)/
wynne jairlix den voirs(creven) t(er)mijn due(re)nde betalen voir de beemden eeus/
selen hoeythienden en(de) den beemt gehete(n) de hagelstoppel sessen/
tachtentich hollantsche gul(den) Te wete(n) ii gul(den) pe(n)ninge gehete(n) crone(n)/
der mu(n)ten sconinx van vrancr(ijc) goet van goude en(de) zwair van gewichte/
oft de weerde d(air) af in ande(re)n voir drie der selv(er) gul(den) gerekent ofte/
de weerde dair af in ande(re)n goede(n) gelde deen helcht te kerssavonde/
en(de) dander helcht te sent jans misse bap(tis)[te(n)] te betalen [en(de) te heyleshem te leve(re)n] den voirg(enoemde) p(er)sone(n)/
a(ut) alt(er)i (et)c(etera) It(em) sal de voirs(creven) wynne noch gheve(n) m(ijns) he(re)n gesinde jairlix te/
jairsmisse ene(n) halve(n) holl(antsche) gul(den) It(em) heeft noch genome(n) de voirs(creven) wynne/
en(de) bekent dat hij genome(n) heeft van den voirs(creven) proefst de thiende/
ter stoct met h also verre als sij den voirs(creven) cloest(er) toebehoirt Te houde(n)/
en(de) te hebben den voirs(creven) t(er)mijn due(re)nde elx jaers dae(re)n bynne(n) voir xxxvii/
holl(antsche) gul(den) der voirs(creven) weerden ten selven ii t(er)mine(n) te betale(n) en(de) te heyleshe(m)/
te leve(re)n als boven It(em) sal de voirs(creven) wynne houde(n) en(de) ontfaen sonder/
e(n)nich afcorte(n) op sine(n) last en(de) cost ons genedichs he(re)n houde van/
brab(ant) ende de gasterie sine(n) t(er)mijn due(re)nde gelijc alsmen die gewoin/
lic en(de) sculdich es te houden It(em) sal de voirs(creven) wynne jairlix leve(re)n te thien(en)/
den voirs(creven) t(er)mijn due(re)nde den meye(r) van thiene(n) een voeder hoeys/
te thiene(n) It(em) m(ijn) hee(re) den abdt te cappendale ii voeder hoeys/
It(em) den p(er)soen van boensbeke een getruwe gelijc voeder hoeys sonder/
afcorte(n) It(em) sal de voirs(creven) wynne driewerve(n) tsjaers sine(n) t(er)mijn langc/
due(re)nde wel ontfaen m(ijn) he(re) den abdt w en(de) sijn geselscap dat me(n)/
met he(re) come(n) sal int voirs(creven) hof en(de) hen en(de) hoe(re)n p(er)den hoe(re)n cost doen/
van spisen en(de) van drancke uutgenome(n) van wijnne en(de) van wasse en(de)/
also dicke als de proefst of sijn dien(er)en of oec mijns he(re)n dieners aldair/
te doen hebben selen soe sal de voirs(creven) wynne hen en(de) hoe(re)n p(er)den den/
montcost doen bynne(n) shoefs It(em) sal de voirs(creven) wynne op te huyse vande(n)/
voirs(creven) hove alle jae(re) sijne(n) t(er)mijn due(re)nde doen verdecke(n) in nuwen dake/
xii[c] goede getuygeleker walme(r) op sine(n) cost en(de) dachue(re)n en(de) voirt alle/
de huysinge(n) van dake wenden en(de) vorsten wael en(de) loflic houde(n) van/
jae(r) te jae(r) en(de) die wael gedect geplect en(de) gevorst late(n) tsine(n) afsceide(n)/

//
It(em) waert also dat de wijnt e(n)nich dack afwaeyde datme(n) stoppen mochte/
met v[c] walme(re)n op e(n)nich huys dat de voirs(creven) wynne dat voldoen sal op/
een yegelijc huys dair dat gesciede op sijne(n) cost en(de) dachue(re)n en(de) met/
sijnre stoffen en(de) de eerden muere die dair aen thof staen wael en(de)/
loflic houde(n) van plecke(n) en(de) van decken van jae(r) te jae(r) en(de) die dair/
gebroke(n) sijn alle gader doen hermaken bynne(n) drie jae(re)n elx jairs een/
derdendeel onderhalve(n) voet hog(er) of dair omtrent dan sij wae(re)n of/
oec op sijne(n) cost en(de) dachue(re)n en(de) met sijnre stoffen en(de) voirtaen wel/
en(de) loflic houden en(de) alle de voirs(creven) mue(re) laten wel en(de) loflic gedect en(de)/
geplect op sine(n) cost It(em) sal de voirs(creven) wynne m(ijn) he(re) den abdt sijne(n) t(er)mijn/
due(re)nde alle jae(re) wel en(de) loflic drie runde(re) wijnte(re)n en(de) zome(re)n die/
welke de voirs(creven) abdt hem leve(re)n sal en(de) die mach mijn he(re) also dicke/
verande(re)n alst hem gelieft It(em) sal de voirs(creven) wynne ov(er) tijt den p(er)soen van/
boensbeke een coe wijnte(re)n en(de) zome(re)n gelijc den sine(n) en(de) die sal hem/
de p(er)soen leve(re)n en(de) oec moege(n) verande(re)n alst hem genueght It(em)/
sal de voirs(creven) wynne jairlix den voirs(creven) t(er)mijn due(re)nde sette(n) [op sine(n) cost] opte voirs(creven) goede/
derdalfhondert goeder beclive(n)der poten te wete(n) l abeelen pote(n) en(de)/
ii[c] ha willigen en(de) popele(re)n poten en(de) die wel en(de) loflic verdoernen en(de)/
verdoernt houden een jair lanc op sine(n) cost dairs best te doen sijn sal met/
des voirs(creven) proefst raede Ende wairt tsake dat dair e(n)nige boeme verdroeghde/
die sal de voirs(creven) wynne hebbe(n) en(de) d voir elke(n) verdroeghde(n) boem ii leve(n)de/
potte(n) pote(n) wed(er) sette(n) vande(n) selve(n) aerde en(de) die verdoerne(n) gelijc/
den ande(re)n It(em) sal de voirs(creven) wynne allen jae(re) alle tstroe dat vanden/
voirs(creven) goeden come(n) sal bynne(n) den hove voirs(creven) brenge(n) en(de) in meste beke(re)n/
en(de) opte lande vande(n) voirs(creven) goede(n) vue(re)n van jae(r) te jae(r) en(de) ten lesten jae(r)/
van sine(n) t(er)mine allen dat stroe dat vander groter thiende(n) en(de) vanden/
landen da die de wynne selve houden(de) es ond(er) sijn ploegh come(n) sal/
sal de selve wynne(n) brenge(n) bynne(n) den hove voirs(creven) en(de) alle dmest dat/
d(air) af come(n) sal sal hij vue(re)n opte lande voirscr(even) en(de) op gheen ander Behou/
delic dien dat de wynne late(n) sal ten lesten jae(r) iiii[c] hope stroes ongeedt/
te sijne(n) afsceiden te wete(n) ii(½) derdalfhondert hope wijnt(er)stroes en(de) and(er)half/
hondert hope zomer stroes ende iiii goeder voeder hoeys wel gewo(n)nen/
en(de) bynne(n) den voirs(creven) t(er)mine sal de voirs(creven) wynne alle de lande tweewerf/
wel en(de) loflic ov(er)mesten en(de) alle jae(re) die wael en(de) loflic wynne(n) en(de) werve(n)/
te minsten gelijc reengenoete(n) It(em) sal de voirs(creven) wynne in sijne(n) lesten/
jae(r) late(n) besaeit neghen boender en(de) twee dachmael vande(n) voirs(creven) lande/
met wijntercoerne wel en(de) loflic op sijne(n) tijt gewonne(n) en(de) geworven/

//
ende de storte eens omgae en(de) de brake elc eens omgedaen It(em)/
sal de voirs(creven) wynne alle jae(re) den voirs(creven) t(er)mijn due(re)nde den wyer/
w bynne(n) den voirs(creven) hove(n) gelege(n) doen vaghen wel en(de) loflic/
op sine(n) cost en(de) dachue(re)n en(de) tegen de schue(re)n ii goede thuyne/
doen luken also dat de mue(re)n vander schue(re)n niet en(de) co(n)nen ghe/
sincken It(em) sal de voirs(creven) wynne alle de beemde den voirs(creven) goeden/
toebehoe(re)nde wael en(de) loflic van jae(r) te jae(r) doen grichte(n) luken/
en(de) thuyne(n) en(de) die wel gegricht getuynt en(de) geloken late(n) op/
sijn leste jae(r) als hij uutvaert mette(n) ouden wercke en(de) de v alle/
de vliete alle jae(re) wael vaghen en(de) houden aen de voirs(creven) goede/
te boensbeke gelege(n) op sine(n) cost en(de) wel bewae(re)n en(de) oec sal/
de wynne alle jae(re) de weghe aen de voirscr(even) goede wel doen/
maken daers te doen sijn sal op sine(n) cost en(de) wairt sake dat/
de beke oft vliete van boven beleit worden die sal dan de voirs(creven)/
wynne oec vaghe(n) op sine(n) cost en(de) dachue(re)n en(de) wair [worde] dair e(n)nich/
houdt afgeleeght dat en sal de wynne niet hebben It(em) wairt/
also dat bynne(n) den voirs(creven) hove e(n)nich ty(m)meri(n)ge gebrake te make(n)/
die een ty(m)merma(n) maken mochte bynne(n) vi dage(n) aen e(n)nich vande(n)/
huysen oft poirte(n) dat sal de voirs(creven) wynne doen make(n) en(de) ty(m)me(re)n/
op sine(n) cost en(de) dachue(re)n mer m(ijn) he(re) dabt sal de stoffe dair toe/
leve(re)n It(em) sal de voirs(creven) wynne alle des voirs(creven) cloesters goede te/
boensbeke gelege(n) wel en(de) loflic bewae(re)n gelijc sijne(n) p(ro)pe(re)n erve It(em)/
sal de voirs(creven) wynne houde(n) van mine(n) he(re) den . abdt op dat dabdt/
begheert een cudde scape en(de) van nyema(n)t anders noch van he(m)/
selve(n) uutgenome(n) xxx of xl scape en(de) eest datse mijn he(re) hem/
gheeft te vuede(n) soe sal de wynne die vueden en(de) herden wel en(de) loflic/
It(em) wairt alsoe dat de voirs(creven) wynne bynne(n) den voirs(creven) t(er)mine scade/
hadde of lede aen van hagelslage of van gemeine(n) oirloge dair/
af sal den wynne restitucie gescien gelijc ande(r) he(re)n en(de) p(re)late(n)/
hoe(re)n pechtene(re)n [wynne(n)] doen selen bove(n) en(de) beneden welc voirs(creven) vorw(er)de(n)/
geloften en(de) condicien de voirs(creven) wynne geloeft heeft den voirs(creven) proeft/
tot des voirs(creven) goidshuys behoef wel en(de) getruwelic te houde(n) en(de) te/
voldoen tallen tijden (et)c(etera) quol(ibet) ass(ecutu)[m] h(ier) af sijn borghen des voirs(creven) wynne(n)/
als pri(n)cipael sculde(re)n indivisum enghel em ymbrechts wonende/
te w vissenake wouter le(m)mens van boensbeke aert philips wone(n)de/
te yse(re)n gheert maes van boensbeke henric philips wonen(de) te vissenake/
henric schats wone(n)de toplynte(r) [en(de)] vranck ghielijs wone(n)de te boensbeke/
p(ri)mus roelofs borchoven ap(ri)lis xxii
ContributorsWalter Winnelinckx , Jos Jonckheer
Moderated byWalter Winnelinckx
Last update: 2016-02-04 by xavier delacourt