Van gheerde van dyeven/ Item inden gedinge dat nu onlanx voir meyer en(de) scepen(en) van/ wiltsel geweest is tusscen gheerde van dyeven in deen zijde ende/janne willem(me) van ee(re)nboudegem in dande(re) van ene(n) weghe die/ deselve gheert van dyeve(n) eysschende was over den proene(n)beemt/ toebehoe(re)nde den voirs(creven) willem(me) hebben gedrage(n) de getuge(n) h(ier) nae/ bescreve(n) tgheen des hier nae volght Ierst droege(n) ii goede ma(n)ne/ dat sij gesien hadden soe wa(n)neer dat den thiende waghen ghinck/dat uut holsbekerbroeck datme(n) dan vooir doir den selve(n) beemt ./ op den ene(n) hoeck inne en(de) opden ande(re)n hoec uut tot holsbekebroec/ wairt en(de) oec te holsbeke en(de) van holsbeke weder dair doe(r) tot der molen/ te wijchmale en(de) soe wair die liede sijn woude(n) tot datme(n) holsbeke/ broec breedde It(em) droege(n) iiii goede ma(n)ne dat sij gesien hadden ov(er)/ xliiii jair en(de) meer datme(n) doer den voirs(creven) beemt vooir als dat/ broec te holsbeke opghinc ter moele(n) wairt en(de) te holsbeke wairt/ en(de) wairmen sijn woude en(de) dat sij dat selve goet doen saghen ov(er)/ gaen en(de) open ligge(n) gelijc den broeke oec draege(n) noch goede ma(n)ne/ dat doen den beemt pleyn en(de) open ghinck gelijc den broeke als/ den thiende wage(n) ghinc uut holsbeke broecke voirtaen en(de) also voirtaen/ tot datme(n) dbroec weder breedde en(de) dat op dien tijt aen dien beemt/ ene(n) boom niet en stont dan aen deen zijde It(em) droege(n) iii goede/ ma(n)ne dat sij gesien hadde(n) ov(er) xlv jair als den thienden wage(n) ghinck/ uut holsbeker broec datme(n) dan doir dien beemt vooir te iii gaten uut/ en(de) ynne ter moelen wairt en(de) wairme(n) hene(n) sijn woude als dat een/ velt versaeit was datme(n) dan vooir doir dat derde gat aen den be/ dien beemt staende en(de) dat doen ene(n) boem niet en stont aen/ dien beemt dan op deen zijde Also dat ten eynde de scepen/ van loven(en) den scepen(en) van wiltsel die hier om tot hoe(re)n hoede/ quame(n) ghave(n) voir een hoetvo(n)nisse dat gheerde van dyeve(n)/ den wech volge(n) sal ov(er) den voirs(creven) beemt gelijc des voirs(creven) gheerts/ wairheit gedragen heeft p(rese)ntib(us) o(mn)ibus scabinis octobr(is)/ ulti(m)a