SAL7730, Akte: R°207.1-R°208.1 (195 van 428)
Akte R°207.1-R°208.1
Act
Datum: 1436-12-15
Transcriptie
2018-08-06 door Yves SergeantIt(em) wij henr(ic) vande(n) borch(oven) en(de) ov(er)wy(n)ge [junior] scepen(en) van loven(en) doen cond allen lieden/
dat voir ons come(n) sijn wille(m) vande(n) poele voirspreke en(de) gord heyne [heyme] alse segge(re)n/
en(de) vrientlic yffene(re)n gecore(n) en(de) genome(n) voir scepen(en) van loven(en) tusschen ja(n)ne/
robijns den jongen ende lijsbette(n) sine(n) wive wedewe peters wilen claes/
met wille en(de) consente jacob robijns en(de) jans h(er)toge die nae den rechte/
der stat van loven(en) come(n) en(de) beleit is [sijn] tot den goeden des voirs(creven) jans robijns/
in deen zijde ende jacob p en(de) ja katline(n) gehete(n) claes kinde(re)n des voirs(creven)/
wilen peters claes te vo(r)en uut der voirs(creven) lijsbette(n) hoe(r) moeder met co(n)sent/
en(de) wille des voirs(creven) jans robijns hoir mans broede gedaen en(de) hubrechte/
laerma(n) als man en(de) mo(m)boir lijsbette(n) claes sijns wijfs zuster des voirs(creven)/
jacobs en(de) katline(n) claes oec dochter des voirs(creven) wilen pet(er) claes en(de) lijsbette(n)/
in dande(r) zijde Te gade(r) beyde de p(ar)tien voirs(creven) met wille en(de) consente lijsbette(n)/
en(de) hebben hoir seggen en(de) uutsprake vande(n) stoote tusscen de voirs(creven) p(ar)tien wezende/
van alrehande(n) goede(n) die bleve(n) sijn nae de doet des voirs(creven) wile(n) claes peters/
claes en(de) vander doot lijsbette(n) wilen claes moeye der voirs(creven) gebruede(re) en(de)/
suster en(de) desgelijx vanden doot goede(n) die blive(n) selen nae de doet lijsbette(n)/
wedewe henrix wile(n) wijndele(n) der selve(r) kijnde(re) onder moeder uutgesproke(n)/
en(de) geseeght inder manie(re)n hier nae volgende Inden yersten es hoir segge(n)/
dat de voirs(creven) lijsbeth des voirs(creven) jans robijns wijf hebben sal also lange als/
sijt leve(n) sal hoir vry tocht in alle de omberuerlike goede die bleve(n) sijn nae de/
doot des voirs(creven) wilen peters claes en(de) die de selve wile(n) peter en(de) de voirs(creven) lijsbeth/
sijn wijf ter tijt dat hij leefde besate(n) in geheelen stoele uutgenome(n) inde/
goede h(ier) nae genoempt [te weten] inden yersten in een eeussel gehete(n) dbosch eeussel/
gelegen te langdorp in delse tussce(n) de goede steeve(n)s vande(n) rijne en(de) meest(ere)n/
jans van outena It(em) in een hoegh eeussel gehete(n) claes hoeve gelege(n) te/
langdorp tussce(n) de goede peters vaes en(de) der kijnde(re) van scaffene(n) It(em) in een/
eeussel gehete(n) den aelpoel gelege(n) aldair neve(n) de goede stevens vande(n)/
rijne It(em) in een stuck beemts gelege(n) inde(n) wevel tussce(n) de goede aerts/
vleemynx en(de) henrix daems It(em) in een came(re) gelege(n) neve(n) de woeni(n)ge/
steevens vande(n) rijne It(em) in een half dach(mael) lands gelege(n) opt hooghvelt tussce(n)/
de goede wouters vande(n) ongeleege en(de) steeve(n)s vande(n) rijne It(em) in xii roede(n)/
wijngarts gelege(n) opte(n) scaetsberch tusscen de goede jans vande(n) broeke ende/
steeve(n)s vande(n) rijne It(em) [in] viii roede(n) de helcht van viii roede(n) wijng(ar)ts gelege(n)/
opte(n) selve(n) berch te wete(n) de [doverste] helcht die gelege(n) is tot aen den breede(n) wech/
It(em) in xxv roede(n) wijng(ar)ts gelege(n) opt bosschervelt tussce(n) de goede lijsbetten/
berchs en(de) des voirs(creven) hubrecht laerma(n)s It(em) in xx roede(n) boschs gelegen
//
inde(n) aelpoelinde welke goede staphans gescreve(n) en(de) uutgenome(n) volge(n)/
selen den voirs(creven) jacob en(de) katline(n) gehete(n) claes also lange als de voirs(creven) lijsbet/
hoir moeder leve(n) sal en(de) niet langher en(de) dan selen alle de voirs(creven) goede/
gaen nae de doet der voirs(creven) lijsbette(n) dair sij sculdich selen sijn te gaen/
na den lantrechte It(em) is noch der voirs(creven) segge(re)n segge(n) dat de voirs(creven)/
jan robijns en(de) sijn wijf hoe(re)n wille selen moegen doen met eenre zwaer(en)/
crone(n) erflic die de voirs(creven) lijsbeth in hoe(re)n wedewen stool vercregen heeft/
aen en(de) op ene(n) beemt willems vande(n) waeyenb(er)ge gelege(n) ten elsloeken/
It(em) noch es hoir segge(n) dat den voirs(creven) jacob en(de) katline(n) claes en(de) hu/
brecht laerma(n)s ja(n) als mo(m)boir lijsbette(n) claes sijns wijfs voirs(creven) te gelike/
tot eeuwege(n) dage(n) volgen selen alle alsulke(n) goede als bleve(n) sijn nae/
de doot lijsbette(n) wile(n) claes hoe(r) moeyen sond(er) den voirs(creven) ja(n)ne robijns/
oft sine(n) wive e(n)nich recht dair inne te hebben It(em) es voirt hoir segge(n)/
dat ter stont nae de doot der voirs(creven) v lijsbette(n) wijndele(n) der voirs(creven) lijsbette(n)/
jans robijns wive volge(n) sal hoir kijnsgedeel in alle de goede die der selv/
blive(n) sele(n) nae de doot der selv(er) lijsbette(n) wijndele(n) hoe(r) moeder sonder/
den voirs(creven) jacob katline(n) en(de) lijsbette(n) gehete(n) claes dair inne e(n)nich recht/
te hebben oft te behoude(n) also lange als de selve lijsbeth de hoir moeder/
leve(n) sal Voirt es uutgesproke(n) en(de) voir een segge(n) geseeght wairt also/
dat de voirs(creven) lijsbet des voirs(creven) jans robijns wijf storve voir den selven/
ja(n)ne hoe(re)n ma(n)ne dat dan de selve jan hebben sal oec sijn tocht inde/selve goede die bleve(n) sele(n) nae lijsbette(n) wijndele(n) doet helcht vande(n)/
selve(n) kijnsgedeelte dat der voirs(creven) lijsbette(n) robijns blive(n) sal en(de) behoe(re)n/
inder voirs(creven) lijsbette(n) wijndelen goede en(de) alsdan selen de selve goede/
oft gedeelte gaen dair sij nae den lantrecht sculdich sele(n) sijn te gaen/
It(em) es noch hoir seggen dat de voirs(creven) jan robijns en(de) sijns wijf hoe(re)n wille doen/
selen moegen met allen den omb beruerlike(n) goede(n) die der selv(er) lijsbette(n) voir/
hoir kijnsgedeelte blive(n) sal vand(er) voirs(creven) lijsbetten wijndelen het sij weder/
de voirs(creven) jan robijns lang(er) leefde dan lijsbeth sijn wijf oft niet voirter?/
uutgesproke(n) wairt also dat de voirs(creven) lijsbeth robijns lang(er) leefde dan katlijn/
druytmans dat dan de voirs(creven) jacob [claes] en(de) katlijn sijn suster heffen selen also/
langhe als hoir moed(er) voirs(creven) leve(n) sal deh deen helcht van ene(n) halve(n) mudde/
coe(re)ns erfs pachts aen en(de) op seker pande toebehoe(re)nde reyne(re)n van laken/
gelege(n) te langdorp in delst It(em) es noch hoir segge(n) dat de voirs(creven) jan robijns/
betalen sal allen en(de) den pacht en(de) co(m)mer uut den voirs(creven) goede(n) gaende/
die valle(n) sal nu te kersmisse naestcomen(de) en(de) dies sal de selve jan hebbe(n) alle/
die hue(r) v die vande(n) selve(n) goede gevalle(n) es tot opde(n) dach toe van hede(n)
//
welc seggen bijde(n) voirs(creven) segge(re)n uutgesproken en(de) geseeght de voirs(creven) p(ar)tien/ geloeft hebben vasten(de) gesteedich en(de) onv(er)brekelic te houden en(de) te voldoen/
en(de) malc ande(re)n dair af altoes genoegh te doen alsoe dat elke(n) van/
hen vast en(de) gesteedich sijn moege tot eewege(n) dagen dec(embris) xv
//
inde(n) aelpoel
//
welc seggen bijde(n) voirs(creven) segge(re)n uutgesproken en(de) geseeght de voirs(creven) p(ar)tien/ geloeft hebben vast
Nagekeken door: Walter Winnelinckx
Moderator: Walter Winnelinckx
Laatste update:: 2016-02-03 door xavier delacourt