Van h(e)re(n) janne de/ ke(m)me(re) priestere canonick/ van sente jans te diest/ Item na dat voer meye(r) en(de) scepen(en) van loeven(en) uut saken/ en(de) vo(n)nissen die bid(er) bi en(de) voe(r) de scepen(en) van caggevenne/ gedaen geschiet en(de) gewijst sijn tusschen h(e)re(n) janne de/ ke(m)me(re) prieste(r) in deen zijde en(de) janne hellespiegel van/ diest in dande(re) van tween goede(n) gulden(en) hellingen erflik(er)/ renten die de voirs(creven) h(er) jan de ke(m)me(re) hadde en(de) eysschende/ was op seke(re) pande toebehoe(re)nde den voirs(creven) janne helle/ spiegel gelegen ond(er) de banck van caggevenne inde vetter/ beemde So heeft na aensprake en(de) na verantwerden
//
ende na tgheen dat de scepen(en) van loeven(en) in beyde zijden/ vanden voirs(creven) p(ar)tien verhoert hadden en(de) besunder na den/ claernissen dat dair af geschiet was voir scepen(en) van caggeve(n)ne/ gelijc ene(n) scepen(en) brief dat inhielt tvonnis der scepen(en)/ van loeven(en) gewijst de p(ar)tien hier af te staen ter taxacien/ en(de) ten prijse vanden geswoe(re)n wissele(r) d(er) stat van loeve(n)/ welc wissele(r) uut vervolghe vanden voirs(creven) vo(n)nisse comen/ es voir den burg(er)meester scepen(en) en(de) raide der stat van loeve(n)/ de(n) voirs(creven) gulden hellinc te deser tijt taxe(re)nde en(de) prijsende/ biden eede die hij ter stat tot sijne(n) ambacht gedaen/ hadde weert sijnde ene(n) guldene(n) saluyt in vrancrijck/ gemu(n)t zijnde Dit gesciede anno xiiii[c] xxxvi februarii/ septima