It(em) want jan [gielijs] lyevinc gecocht heeft jege(n) geertruyde(n) docht(er)/ jans wilen vanden ekelhove(n) acht roeden wijngarts luttel/ min oft meer gelege(n) tarscot opte(n) coutherberch tusschen de goede/ machtelde(n) vande(n) ekelhove(n) sust(er) der vors(creven) geertruyde(n) en(de) de goede/ des voirs(creven) gielijs en(de) jan vand(er) meynartshove(n) tot de(n) vors(creven) goeden/ come(n) en(de) geleydt is So is de selve jan des come(n) voe(r) scepen(en)/ va(n) loeve(n) en(de) heeft geloeft de(n) voe(r) hem en(de) sine nacomelinge den/ vors(creven) gielijse lyevinc en(de) sine(n) nacomelinghe he(n) metten voirs(creven) beleyde/ nu(m)m(er)meer hijnder oft letsel te doen aende goede voirscr(even) mer he(n)/ mette(n) selve(n) beleyde daer in houden ter goed(er) meyninge(n) en(de) sond(er) argelist/ k(er)smake(re) ov(er)wynge iunior febr(uarii) xv