Item dit es een voerwaerde en(de) een comenscap gheschyet/ tusschen h(er) claes den hertoghe p(er)soen van orsmale op een side/ en(de) d lodewijch den hertoghe sinen broed(er) op dand(er) side/ Item inden eersten dat h(er) claes voers(creven) heeft v(er)cocht sinen broed(er)/ voers(creven) een hof met sijnder toebehoerten gheleghen in die/ prochghee van borchheem by wyeelst al daer op al sulken/ condicie en(de) voerwaerde als hier nae bescreve(n) steet dat/ es te weten inden eersten op allen den kommer di daer uut/ gheet en(de) op allen v(er)letten dat daer op v(er)ledt es en(de) op/ allen den cost di daer aen gheleyt es en(de) op allen den cost/ vander ghoedingghen En(de) op di voorwaerde dat h(er) claes/ vors(creven) sal hebben enen scepenen brief va(n) bruesele dy me(n)zie/ makende es va(n) ender su(m)men ghelds va(n) omtrent c/ en(de) xxxvii croenen Item soe sal h(er) claes vors(creven) oec hebben/ v ghulden peters erffelec opd selve hof vors(creven) op die condicie/ dat lodewijch vors(creven) di sal moeghe(n) bewisen en(de) besetten in alle(n)/ toe come(n)de tide als hi kan en(de) mach op goede seker pande di/ alsoe ghoet soelen sijn als den pant vors(creven) es oft ghoeden/ luden dunct dat moegheleec es/ Item noch es voerwaerde dat h(er) claes vors(creven) heeft gheloeft/ lodewijch sine(n) broed(er) vors(creven) te ghoeden voer hof en(de) voer he(re)/ oft te loeve(n) ghelijc als dat behoeve(n) sal hier was bi wilhe(m)/ der wert int ghulden sweert en(de) jan van wilde(r) der winne/ van berchheem en(de) jho(ann)es jacobs knecht h(er) claes vors(creven) de/ hertoghe Dit was ghedaen int jaer ons he(re)n m cccc en(de)/ xxxvi op den xviii dach van februario