Van alsulken xxv cronen erfliker renten als meester jan de bont cancell(ie)r van/ brabant ende doctour van beyden rechten gecocht ende gecregen heeft tot/ behoef des huys vanden heylighen xii ap(oste)len bynnen der stat van/ bruessel gelegen biden huyse vander arken aen ende op de goede he(re)n/ henrics van diest hee(re) ter rivie(re)n gelegen bij arscot ende daer omtrent/ hebben de selve meester jan de bont inden name vanden voirs(creven) huyse/ vanden ap(oste)len in deen side ende de voirs(creven) h(er)henrick van diest in dander(e)/ verdragen ende sijn des und(er)linghen eens worden dat de voirscr(even)/ h(er)henrick ende sijn nacomelinge inder betalingen van elken vande(n) voirs(creven)/ cronen gestaen selen met alsulken gulden peter als hier nae ver/ claert steet of metter werden daer af in ande(re)n goeden gelde Te/ weten metten gulden(en) peter lestwerven te loeven ghemunt op deen/ sijde met enen beelde van sente peter ten halven live hebbende/ voer heb den schilt vander wapenen wilen h(er)toge philips van/ brabant ende om de circu(m)ferencie staende ph(ilipp)us dei gracia dux/ brabancie et lymb(orch) ende op dander side met enen cruce gelijc de/ peters van outs wae(re)n hebbende inde circu(m)fe(re)ncie pax (christ)i maneat/ semp(er) nobiscu(m) Desen peter houdt xxi karate oude vrancrijcsche/ cronen reparts ghendsche schilde oude peters ende lyoene/ voe(r) sijn gerekent Desen peter houdt inden snede lxviii op de/ troysche marck en(de) een quart van enen halven peter te remedien/ ende enen halven peter inden snede op elc marck wercs die/ maken voe(r) een marck fijns gouts lxxvii(½) peter enen c[r]omstert/ Ten wa(r)e also dat yemant die vanden geliken cronen opde/ voirs(creven) pande voermaels oic gecocht hebben metten rechte/ meer wonnen oft gecrigen consten voer de voirs(creven) crone dan den/ voirs(creven) peter gedreeght dat dan en(de) in deser vuegen de voirs(creven) vor/ werde te nyeute ende van negheender weerden sijn en sall/ Of ten wa(r)e oec also dat de voirs(creven) h(er)henrick oft zijn nacome/ linge tot e(n)nigen tiden toecomende in e(n)nich vanden t(er)minen in/ gebreke van betalingen wae(re)n ende stoet maecten den voirs(creven) pet(er)/ te betalen inder manie(re)n voirs(creven) So is oec vorwerde en(de) ond(er)sproke(n)/ als vo(r)e dat des gelijx dan de voirs(creven) vorwerde te nyeute en(de)/ van negheend(er) werden sijn en sal Dit was gevesticht voe(r) goerde/ roelofs ende steven smachts scepen(en) van loeven martii sexta/ a(n)no xiiii[c] xxxvi