Item want stoet en(de) geschille v(er)resen sijn tusschen jacob vande(n)/ bossche in deen side en(de) lyevijn zuetman in dande(re) om der goede/ wille die de vorsc(reven) lyevijn jege(n) de(n) vors(creven) jacob and(er)wijl gecocht/ en(de) gecregen heeft tot tong(er)lo te westerle en(de) d(aer) omtrent gelege(n)/ Daer om eest dat de vors(creven) jacob en(de) lyevijn d(aer) af v(er)enicht/ sijn ind(er) manie(re)n hier na volgende Inden yersten vande(n) brieve(n)/ daer mede arnt claeus va(n) diest gegoedt was inde goede vors(creven)/ van goerde he(r)meys de(n) jonge(n) met alle des daer aen clevende es/ beyde vande(n) ov(er)gegeve(n) en(de) wed(er)nemen heeft claerlic de vors(creven)/ jacob bekendt geloeft en(de) toegeseeght dat die geheellic en(de)/ al te nyeute en(de) gecancelleert zijn en(de) dat hi noch sine naco/ melinghe hem met dien brieve(n) behelpen en selen Bekennende/ voert de vors(creven) jacob dat de voirs(creven) lyevijn zuetma(n) alsulke hond(er)t/ en(de) vijftich crone(n) d(aer) op de vors(creven) arnt claes yerst de vors(creven) goede/ de(n) selve(n) lyevijn uutgegeve(n) hadde gelost en(de) afgequijt heeft met/ gereden ghelde met composicien vand(er) ghichtinghen [en(de)] met lijfpachte/ die de vors(creven) lyevijn tot hem w(er)t nam daerse de vors(creven) jacob sculdech/ was tot lvi cronen toe die joffr(ouwe) kath(el)ine van outhalen en(de)/ jannes ympens noch opte vors(creven) goede hebben Item
//
alse van alsulken oude(n) grote(n) erflik(er) rente(n) als tgasthuys van west(er)le/ op de vors(creven) goede heeft heeft geloeft de vors(creven) jacob dat hi bertele(n)/ vande(n) bossche sine(n) neve indien hebbe(n) sal dat hi de(n) vors(creven) ouden grote(n)/ op sine goede setten en(de) v(er)panden sal te dien eynde dat des vors(creven)/ lyevijns goede d(aer) af ontlast sele(n) blive(n) of dat de selve jacob den/ vors(creven) lyevijn d(aer) voe(r) geve(n) sal xx oude grote eens Gelovende noch/ voert de voirs(creven) jacob den vors(creven) lyevijn so waermen bevonde dat/ uut de(n) vors(creven) goeden meer ghinghe van e(n)nige(n) erfco(m)mer het wa(r)e/ ghelt tsijs pacht oft was dan d(aer) op de vors(creven) jacob den/ vors(creven) lyevijn de vors(creven) goede gewarendeert heeft dat hi hem dien/ co(m)mer afdoen sal oft hem geven voe(r) den pe(n)ninc twintich/ Hier toe heeft noch geloeft de voirs(creven) jacob dat hi goerde he(re)nmeys/ de(n) jongen en(de) goerde mort(er)mans die tot sine(n) goeden beleydt zijn indien/ sal hebbe(n) dat si bynne(n) viii daghe(n) naist comende comen selen voe(r)/ scepen(en) van loeven en(de) schelden quijt hae(r) voirs(creven) beleyt also v(er)re/ alst de(n) vorw(er)de(n) en(de) geluften voirs(creven) en(de) oec der waerscappen/ die de vors(creven) jacob den vors(creven) lyevijn vande(n) vors(creven) goeden voe(r)/ scepen(en) van bruessel gedaen heeft cont(ra)rien en(de) hijnderlic/ wesen mochte(n) Item alse van alsulke(n) vi crone(n) erflik(er) renten/ die de vors(creven) jannes ympens jaerlex heeft op de goede des/ vors(creven) lyevijn zuetmans en(de) oec op so(m)mige vande(n) goede(n) des vors(creven)/ jacobs hebbe(n) geloeft de vors(creven) lyevijn zuetman en(de) met hem/ bartelmeeus de hont en(de) henric de weke(re) ongesund(er)t en(de) ongescheide(n)/ dat si de selve vi crone(n) erflik(er) rente(n) quijte(n) en(de) aflegge(n) selen/ van ons(er) vrouwe(n) lichtmisse lest leden bynnen drie jae(re)n d(aer)na/ sond(er) myddel volgende en(de) d(aer) toe also vele doen dat den/ vors(creven) jacob noch sine(n) goeden noch nacomelinge(n) nu(m)m(er)meer last/ comen en sal En(de) d(aer) af heeft [geloeft] de selve lyevijn de(n) vors(creven) bartel/ meeuse en(de) henricke(n) de weke(re) scadeloes en(de) co(m)merloes te houden/ En(de) want also is dat de vors(creven) jacob vanden bossche joffr(ouwe)/ kath(el)ine(n) van outhalen vors(creven) voe(r) meye(r) en(de) scepen(en) van loeven/ waerscap geloeft heeft van dien l cronen erflik(er) renten/ die sij jaerlex heeft opte goede des vors(creven) lyevijns So
//
eest dat de vors(creven) lyevijn comen is voe(r) scepen(en) van loeve(n)/ mids dat hi de voirs(creven) l crone(n) tot hem w(er)t genomen heeft/ en(de) heeft geloeft dat So wae(r) den voir(screven) jacob sinen goeden/ oft nacomelingen van dier waerscappe(n) in e(n)nige(n) tiden toecomende/ last oft hijnder quame dat hi de(n) selve(n) jacob sine goede ende/ nacomelinge d(aer) af tot eweliken dagen ontheffen sal Behoudelic/ altoes der geluften vand(er) waerscappe(n) die de vors(creven) jacob den/ voirs(creven) lyevijn vanden bodem en(de) gronde d(er) goede voirs(creven) gedaen/ en(de) geloeft heeft in haerre volcomend(er) macht En(de) [hier] op heeft de/ vors(creven) henric de weke(re) die geleidt is tot den goeden des selfs/ lyevijns sijn beleydt voirs(creven) quijt geschouden also v(er)re als dat/ den vorw(er)den voirs(creven) hijnderlic wesen mach h(enrico) borch(oven) et/ ov(er)wynghe iunior m(ar)tii xiiii