It(em) [om dat] wout(er) van rode diemen heet griete(n) van langdorp and(er)wijl/ biden rade vand(er) stat comen is de(n) selve(n) rade opdoende en(de) thoenende/ dat jan mychiels die sijnre docht(er) heeft mett(er) selver zijnre docht(er)/ als onzedelic leefde en(de) met hae(r) also omghinc dat dat van ene(n) vrouwe(n)/ p(er)soen onlidelic wae(r) en(de) dat de vors(creven) jan mychiels inden synne ende/ geseeght hadde dat hie(re)n boven tot loeve(n) trecke(n) soude en(de) brieve ald(aer)/ maken en(de) daer mede alle des vors(creven) sijns wijfs goede vercopen Biddende/ daer om de vors(creven) wouter datmen daer op om gods wille v(er)sien woude/ Also dat doen de burg(er)meest(ere)n den secretar(is) va(n) loeve(n) beval/ datmen daer toe niet en dade ten wa(r)e bi wete(n) vander stat/ Dit ter konden des vors(creven) jans mychiels comende qua(m) hi bide(n) burg(er)meest(er)/ hem opdoende datmen ind(er) waerheyt bevijnden zoude dat de voirs(creven)/ wout(er) sijn zweer der stat van des vors(creven) is tonrecht geinformeert/ hadde Biddende d(aer) om de selve jan mychiels datmen den vors(creven) woute(re)n/ sinen sweer tot ene(n) seke(re)n daghe tot loeven inscriven woude gelijc/ dat dat gedaen waert Ten daghe als si beyde bid(er) stat wae(re)n/ bevant men claer dat de scouden vanden stote(n) die was tussche(n)/ den vors(creven) janne mychiels en(de) sinen wive meest toeq(ua)me(n) bi ocsuyn vande(n)/ voirs(creven) woute(re)n en(de) sine(n) wive So is de voirs(creven) stat van loeven te/ vreden dat den vors(creven) jan(n)e mychiels trecht vand(er) stat van loeven/ werden sal hem dat v(er)suekende niet wederstaende der clachten/ des voirs(creven) sijns sweers noch den bevele dat de burg(er)meest(er)/ va(n) loeve(n) d(aer) af gedaen hadde Cora(m) pynnock wante (et) q(uam)plu(r)ib(us)?/ de consilio des goensdaeghs na groet vastelavont/ anno xxxvi