Cond sij allen lieden dat henric valkenborch sone willems valkenborch/ heeft genome(n) en(de) bekendt dat hi genomen heeft van henricke(n)/ vand(er) calstren [thien] elf dachmael lants luttel min oft meer gelege(n)/ in twee stuck gelege(n) aende loe d(aer) af dat deen stuck/ houdende een boend(er) es gelege(n) neve(n) de goede jans de pryke(re)/ dand(er) stuck houdende vi dach(mael) es gelege(n) opt merken neve(n)/ de goede mathijs davijds Te houde(n) te hebbe(n) en(de) te wynnen/ va(n) half m(er)te naest voe(r)leden ene(n) t(er)mijn van neghen jae(r) langc/ d(aer) na eenp(er)lic volgende elx jaers daer en bynne(n) om xi mudde/ rogs goede en(de) payabel m(et) wa(n)ne en(de) met vede(re)n wel bereydt/ d(er) maten van loeve(n) ts(en)[te] andries misse apostels te betale(n) en(de) te/ loeve(n) te leve(re)n alle jae(re) den voirs(creven) t(er)mijn duer(ende) en(de) telke(n) t(er)mijn alse/ v(er)volghde schout En(de) sal de voirs(creven) wyn tboende(r) lants voirs(creven) ten/ eynde vande(n) vors(creven) t(er)mijn laten besayt met rogghe op vier drie/ getide voere(n) en(de) dand(er) sesse dachmael lants eens o(m)megedaen/ It(em) sal de vors(creven) wyn de vors(creven) t(er)m goede sine(n) t(er)mijn lanc/ duer(ende) wel en(de) loflic wynne(n) en(de) w(er)ven gelijc sine(n) reengenote(n)/ bove(n) en(de) beneden cap(elle)[ma(n)] smet ap(ri)lis xxii