jacop? va(n) dusborch Cond sij allen lieden dat gielijs fage [jacob van duysborch] van voshem es comen in jegewoirdich(eit)/ der scepene(n) van loven(e) ende heeft genome(n) en(de) bekent dat hij genome(n) heeft/ vanden prioer en(de) convent des goidshuys van gruene(n)dael in zoenien de/ goede des voirs(creven) goidshuys hier nae bescreve(n) inde p(ro)chie van voshem geleg(en)/ Inden yersten thien dachmael lands gelege(n) opte flosstrate tussce(n) de/ goede sanders ts(er)vranx en(de) de strate voirs(creven) en(de) met beyde den eynden neve(n)/ de goede des goidshuys van awires Item drie dachmael lands gelegen/ aen de biebosch tusscen de goede der kerke(n) van voshem en(de) de goede jans/ snoex van leefdale en(de) mette(n) eynde neve(n) de goede des cloesters van he(re)n/ p(er)ke en(de) mette(n) ande(re)n eynde bijde(n) goede(n) lijsbeths fage It(em) ii dachmael/ lands gelege(n) inden cleyne(n) ham opt plyncvelt tussce(n) de goede gheerts/ vande(n) dale en(de) de goede henrix coelma(n) van voshe(m) en(de) mette(n) ene(n) eynde/ bijde goede des voirs(creven) goidshuys van he(re)n p(er)ke en(de) mette(n) ande(re)n eynde neve(n)/ de goede henrix van duysborch Ite(m) een dach(mael) lands gelege(n) inden selven/ ham tusscen de goede der zielmisse(n) van voshem en(de) de goede des voirs(creven) goids/ huys van p(er)ke op deen zijde en(de) de goede henrix absoloens op dander/ sijde en(de) mette(n) ene(n) eynde neve(n) de goede des selfs henrix absoloens/ en(de) mette(n) ande(re)n eynde bijde(n) goede(n) gielijs co(r)eman van b(er)them It(em) een/ half dach(mael) lands gelege(n) aldair inde(n) selve(n) ham tussce(n) de goede willems/ vander bruggen van wave(r) en(de) de goede gheerts da vande(n) dale ende/ mette(n) ene(n) eynde neve(n) de goede henrix absoloens en(de) mette(n) anderen/ eynde bijde(n) goeden des voirs(creven) willems vander brugge(n) Ende dese goede/ vijnt de voirs(creven) goede wyn met rogge besaeit It(em) ii boend(er) lands ge/ legen int rot neve(n) de strate gaende van duysborch tot loeve(n) wairt/ tussce(n) de selve strate op deen sijde en(de) de goede wout(er)s van hondsb(er)ge/ en(de) de goede vranx de smet van voshem op dande(r) side en(de) mette(n)/ ene(n) eynde neve(n) de goede des goidshuys van he(re)n p(er)ke voirs(creven) en(de) mette(n)/ ande(re)n eynde bijde goede sanders ts(er)vranx voirs(creven) It(em) xxv roede(n) lants/ gelege(n) op hondsberghsvelt tusscen de goede he(re)n ghijsbrechts de/ mol prochiaen der kerke(n) van voshem en(de) de goede mychiels vande(n)/ bossche en(de) mette(n) ene(n) eynde neve(n) de goede jans snoex voirs(creven) ende/ mette(n) ande(re)n eynde neve(n) de goede wouters van hondsberghe/ voirscr(even) It(em) i(½) dachmael lands gelege(n) inden groete(n) ham tusschen/
//
de goede des voirs(creven) jans snoex op deen sijde en(de) de goede thomaes/ van der hortten dieme(n) heet van helbeke en(de) de goede gheerts/ vande(n) dale op dande(re) en(de) mette(n) ene(n) eynde des voirs(creven) thomaes/ en(de) mette(n) ande(re)n eynde peters van hondsberge It(em) drie dachmael/ lands gelege(n) opte(n) wynkel tussce(n) de goede des voirs(creven) willems/ vander brugge(n) in beyden sijden en(de) mette(n) ene(n) eynde bijde goede/ henrix co(r)eman en(de) mette(n) ande(re)n eynde neve(n) de goede des voirs(creven)/ willems vand(er) brugge(n) Ende dit lant voirs(creven) vijndt nu de voirs(creven)/ wyn met evene(n) besaeyt It(em) vijf dach(mael) lands gelege(n) neve(n) de/ strate gaende van voshem te leefdale wairt tussce(n) de selve/ strate de en(de) des heylichs gheests lant van voshem en(de) mette(n)/ ene(n) eynde neve(n) de goede der wittevrouwe(n) van loven(e) en(de) mette(n)/ ande(re)n eynde bijde goede katline(n) vand(er) ca(m)men It(em) een dach(mael) lands/ gelege(n) tussce(n) de flosstrate voirscr(even) en(de) de goede wouters van honds/

berge en(de) mette(n) ene(n) eynde neve(n) de goede des voirs(creven) jans snoex/

en(de) mette(n) ande(re)n eynde neve(n) de goede des voirs(creven) wouters van honds/

berghe [in deen side en(de) te drie siden in everaerts lant van winghe]/ It(em) vii dach(mael) lands gelege(n) bove(n) de hoelstrate tusscen de selve/ strate en(de) de goede he(re)n willems [mest(er) jan] bonte(n) en(de) mette(n) ene(n) eynde bijde/ goede des voirs(creven) wout(er)s van hondsberge en(de) mette(n) ande(re)n eynde/ bijde goede der voirs(creven) lijsbette(n) fage Item een dach(mael) lands gelege(n) opte(n)/ voirtoge tusscen der zielmissen landt van voshem en(de) de goede des/ voirs(creven) cloesters van awiers en(de) mette(n) ene(n) eynde neve(n) de goede/ des voirs(creven) goidshuys p(er) p(er)ric? en(de) der beghine(n) lant van stevoirde bij/ vilvorden mette(n) ande(re)n eynde It(em) anderhalf dach(mael) lands gelege(n)/ opt roedeken tusscen de goede thomas van helbeke en(de) der kijnde(re)/ van duysborch in deen zijde en(de) de goede aleite(n) vande(n) dale in dande(re)/ en(de) mette(n) ene(n) eynde neve(n) de goede willems vand(er) brugge(n) en(de)/ mette(n) ande(re)n eynde bijde goede jans van ghent vand(er) bue(re)n Ite(m)/ anderhalf dachmael lants gelege(n) aldair op leenkensvelt tussce(n)/ de goede he(re)n willems bonte(n) in deen zijde en(de) de goede jannes/ mo(m)mart en(de) de goede everarts de cup(er)e in dande(r) sijde en(de) mette(n)/ ene(n) eynde neve(n) de goede h(er) willems [meest(er) jans] bonte(n) ende mette(n) ande(re)n/ eynde bijde goede willems vand(er) bruggen Ende dit lant stapha(n)s/
//
voirs(creven) vijnt de voirs(creven) wyn al brake Item noch vijf [vi] dach(mael) beemts en(de) een/

half gelege(n) te voshem tusscen de broecstrate en(de) de voere ende/ metten ene(n) eynde neve(n) de goede claes de wolf en(de) mette(n) ande(re)n/ eynde bijde goede henric absoloens doe(r) welke goede lijsbeth fage/

een dachmael beemts liggende heeft Te houden te hebben/ en(de) te wynne(n) van half meye lestleden [naestcomen] ene(n) t(er)mijn van twelf/ jae(re)n langc due(re)nde deen nae dander staphans volgende Elx jairs/ dae(re)n bynne(n) om sesse [seven] mudde rogs goet en(de) payabel met wa(n)ne/ en(de) met vede(re)n wael bereit der mate(n) van loven(e) tsente andr(ies)/ misse apostels te betale(n) ende tot loven(e) te leve(re)n en(de) telken/ t(er)mijn alse vervolghde schout Ende is vorwairde dat de voirs(creven)/ wyn de voirs(creven) goede wel en(de) loflic wynne(n) werve(n) en(de) meste(n)/ sal gelijc sijne(n) reengenoete(n) bove(n) en(de) beneden en(de) die late(n)/ te sijne(n) afsceide(n) in alle d(er) manie(re)n gelijc hij die vant te sijne(n)/ income(n) oec es vorwairde dat de voirs(creven) wyn alle den tsijs ende/ co(m)mer uut de(n) selve(n) goede(n) gaende jairlix he(r) hie(re)n bynne(n) betale(n)/ sal sond(er) cost en(de) scade des voirs(creven) goidshuys van gruene(n)dale/ It(em) heeft noch genome(n) de voirs(creven) gielijs [jacob van duysborch] tege(n) den voirs(creven) abt [prioer] ende/ sijn co(n)vent den tsijs gehete(n) van bockarden des selfs goidshuys/ gelijc tselve goidshuys dien houde(n)de is inde(n) p(ro)chien van voshe(m)/ en(de) van leefdale Te houde(n) en(de) te hebben den voirs(creven) t(er)mijn/ due(re)nde Elx jairs dan dae(re)n bynne(n) om ii holl(ansche) gul(den) [en(de) ene(n) beyers]/[gul(den)] en(de) gheene tot kersmisse te betale(n) en(de) telke(n) t(er)mijn als v(er)volghde/ schout dit gesciede xx dage in augusto int jair xiiii[c]/

xxv h(ier) af sijn borghen des voirs(creven) wynne(n) als p(ri)ncipael sculde(re)n/ ongesund(er)t en(de) ongesundert en(de) elc voir al roelof van duysborgh/ sijn brueder en(de) jan de vos p(ri) van voshem p(ri)m(us) ov(er)wynge/ iunior smet maii vi a(n)no xiii[c] xxxvii[mo]/ hier af sal jacop va(n) dusborch gheve(n) alle jaer/ vii m(u)d(de) rogx en(de) ii gul(den) holla(nsch) en(de) i beyers gul(den) xii jaer lanc/ En voert ghelijc als voers(creven) es in alle maniere(n) soe dit soeft? in hant/ en(de) d(aer) af goede(n) borghe sette(n) en(de) oec voer de(n) verlette(n)/ pacht die gielijs faege noch sculdich es/ nu hier ghebrect i(n) i beyers gul(den) dier noch i(n) stae(n) soude en(de) hi en stont oec inde(n)/ brief niet maer hi souder i(n) ghestae(n) hebbe(n) en(de) de beemde en sind(er) oec i(n) verghete(n)/
//
winter aert sal hi besaeyt laete(n) g(elijc)? iiii bund(er) ii dach(mael)/ eene(n) aert sal hi besaeyt laete(n) g(elijc)? iii bund(er) lxxv (et)c(etera)/ braeke iiii bund(er) i dach(mael)/ It(em) vi dach(mael) beempts