Van jacob cam(er)man/ Tvonnisse tusschen henr jacob cam(er)man die beleit is/ tot den [haefleke(n)] goeden henrix cam(er)man sijns vaders in deen sijde/ en(de) jorijs de blide en(de) thoenise boydens in dande(re) Alse van/ bij stucke(n) hoe(re)n bees die de voirs(creven) jorijs en(de) thoenijs/ meynde(n) dat sij met rechte gepant hadde(n) als de ghene/ die mechtich gemaect s wae(re)n vand(er) joffr(ouwen) sbid sbliden/ des voirs(creven) jorijs moed(er) voir seker lijftocht die de voirs(creven)/ joffr(ouwe) tot hoe(re)n live heeft op seker pande tarschot gelege(n)/Es tvo(n)nisse dat den voir was gewijst met dese(n) worde(n)/ nae ae(n)sprake antw(er)de en(de) na thoenisse dat den voirs(creven) jacob/ cam(er)ma(n) en(de) sine(n) beleide de voirs(creven) beeste(n) volge(n) selen kersmak(ere)/ smacht borch(oven) cap(elle)[ma(n)] ov(er)wynghe maii iiii