It(em) symoen ende arnt de mu(n)te(re) gebruede(r) hebben geloeft onge/ sundert en(de) ongesceiden en(de) elc voir all oeden wedewe arnts/ wilen wilde van vertrike henricke van rotselair en(de) frissen/ bruynincs oft den enen van hen brenge(r) des briefs scadeloes/ en(de) co(m)merloes te houden en(de) tontheffen van dien twee/ mudden rogs der maten van loeven(e) lijfpensien ten live/ g(er)truden dochter wouters vanden wijchuyse dwelc de voirs(creven)/ wilen arnt de wilde als p(ri)ncipael de voirs(creven) henric van/ rotselaer en(de) frissen bruyninx als borgen voe(r) scepen(en) van/ loeven(e) den voirs(creven) woute(re)n geloeft hebben en(de) de selve/ ii mudde rogs te lossen en(de) af te quiten bynne(n) ene(n) jae(r)/ naestcomen(de) met xx zwaer cronen en(de) met vollen/ pachte prim(us) smacht borch(oven) maii xv