Cond sij allen lieden dat gielijs co(r)eman van berthem es come(n) in jeg(enwordicheit)/ der scepen(en) van loven(e) en(de) heeft genome(n) en(de) bekent dat hij genomen/ heeft tegen g(er)truden wedewe jans wilen vand(er) bruggen beckers en(de) janne/ vander brugge(n) hoe(re)n sone thof der selver g(er)trude(n) en(de) jans gelegen/ te berthem met allen hoe(re)n toe sijne(n) toebehoirte(n) uutgenome(n) den/ solde(r) bove(n) de nedercame(r) dair ynne en sal de voirs(creven) wynne gheen/ recht hebben Te houden te hebben en(de) te wynne(n) van halfm(er)te lestlede(n)/ ene(n) t(er)mijn van drien jae(re)n langc deen nae dand(er) dair nae sonde(r)/ middel volgende elx jairs dae(re)n bynne(n) om de helcht van alle der/ vrucht jairlix hie(re)n bynne(n) opte voirs(creven) goede wassende welke vrucht/ alse tijtverdich es de selve wynne sculdich es op sijne(n) cost te doen/ afdoen en(de) inde schue(r) te leve(re)n It(em) es vorw(er)de dat de voirs(creven) wynne/ der voirs(creven) g(er)trude(n) en(de) jans hoirs soens helcht vand(er) voirs(creven) vrucht alse/ gedorschen es dv in welc dorsschen de wynne niet gehoude(n) en/ es te loven(e) leve(re)n sal It(em) es vorw(er)de dat de voirs(creven) wynne ten/ lesten jae(r) van als hij uute(n) voirs(creven) hove scheide(n) sal late(n) sal int selve/ hof thien mandele(n) stroes ongeedt It(em) sal de voirs(creven) wynne jaerlix/ den voirs(creven) t(er)mijn due(re)nde der voirs(creven) g(er)trude(n) en(de) ja(n)ne op sine(n) cost thuys/ vue(re)n alle de wijnne die hem wassen sele(n) op hoirs selfs erve It(em)/ sal de voirs(creven) wynne ten voirs(creven) lesten jae(r) late(n) besaeit seve(n) [sesse] boender/ lands luttel myn of meer met wijnt(er) rogge besaeit op iiii ghe/ tideghe vo(r)en en(de) desgelijx een boend(er) met tarwe(n) op iiii getidege/ vo(r)en It(em) sal de voirs(creven) wynne late(n) tsijne(n) afsceide(n) den zomer aert/ gestort en(de) de brake geheel It(em) en mach de voirs(creven) wynne de/ voirs(creven) goede nyema(n)t anders uutgeve(n) bynne(n) den voirs(creven) t(er)mine mer
//
die seve houden sine(n) t(er)mijn lange due(re)nde Ende dese voirs(creven) wo/ vorw(er)den (et)c(etera) hier af sijn borgen des voirs(creven) wynne(n) als p(ri)ncipael/(et)c(etera) jan en(de) gielijs co(r)eman gebruede(re) sijn kijnde(re) te wete(n) de voirs(creven)/ gielijs te vo(r)en uut sijns vaders broede gedaen Ende es oec/ mede bevorw(er)t wairt also dat de voirs(creven) wynne bynne(n) den voirs(creven)/ t(er)mine aflivich worde dat dan de voirs(creven) gebruede(re) sijn kijnde(re)/ de voirs(creven) vorw(er)den goede ov(er)hebbe(n) soude(n) den voirs(creven) t(er)mijn due(re)nde/ op de vorw(er)de(n) en(de) geloften voirs(creven) p(ri)mus cap(elle)[ma(n)] smet maii xxiii