Van henricke gheerts/ Item gheert clercs van eyndoutha(m)me heeft geloeft op sijn/ lijf en(de) op sijn goet ende op zoenbreke en(de) landbreke te zijn/ dat hi om negheenre hande sake(n) wille die geschiet mach zijn/ tussche(n) hem en(de) den vors(creven) henricke(n) gheerts den selve(n) henricken/ gheerts nu(m)m(er)meer vede viantscap ongunst doen noch dragen/ en sal noch hem crencke(n) aen lijf noch aen goet noch buten/ lants daghe(n) noch moeyen bi hem selve(n) oft bi yemant anders/ Bekennende en(de) v(er)lijende openbaerlic de selve gheert clerx so/ waer hi hier jegen dade dat hi dan wae(r) en(de) sijn soude/ zoenbreke en(de) peysbreke en(de) sijn lijf en(de) goet v(er)boert soude hebbe(n)/ ond(er) alle he(re)n en(de) gerichte d(aer) hi onder vonden sal w(er)de(n) Behoude/ lic dien eest also dat hi de(n) vors(creven) henricke(n) yet te eyssche(n)/ oft aen te spreke(n) heeft dat hi dat doen mach mette(n) recht/ kersmake(re) smet maii xxviii anno xxxvii