It(em) van alsulken stoote en(de) gescille als is tusscen meest(er) henr(icke)/ de mera deken van sente pet(er)s kerken van lov(en) in deen zijde/ en(de) willem(me) pasteel in dande(re) van hue(r) beyder erve bij een/ gelege(n) inde dorpst(ra)te tusscen de goede jans de barbier en(de)/ jans van scoene(n)b(er)ge hebbe(n) hen de vors(creven) p(ar)tien gesubmitteert/ en(de) verbonde(n) ind(er) stat geswo(r)en wercliede en(de) meest(er)s En(de)/ geloeft vast en(de) gestedich te houde(n) tgheen des sij d(aer) af doen/ selen kersmak(ere) cap(elle)[ma(n)] junii xi