Van janne van loeffen Het sijn come(n) in rechte voir meye(r) en(de) scepen(en) van loven(en) inde banck/ aldair jan van beeringen soen jans wilen van beeringen van ryemena(m)/in deen zijde ende die ov(er)mids macht van scepen(en) brieve(n) van loven(en)/ gegoet en(de) geerft is in een leen gehete(n) dleen van zwineghe(m) gelege(n)/ te ryemena(m) en(de) te keerbergen dwelck te houde(n) plach her henrick/ van witham he(re) tot beersele ridder in deen zijde ende jan van/ loeffen van keerbergen in dande(re) Dair de voirs(creven) jan van beeringen dede/ lesen zeker scepen(en) brieve van loven(en) inden welken hij voir meye(r) en(de) scepen(en)/ van loven(en) gegoet en(de) geerft was in een [tvoirs(creven)] leen gehete(n) dv dleen van/ zwinegem versuekende datme(n) hem dair af houde(n) woude in eene(n)/ beemt gehete(n) den langenbeemt gelege(n) inde p(ro)chie van ryemena(m)/ tusschen de goede willems bollens ende den ouden beemt nae/ dien also hij seyde dat dien sijnre voirs(creven) guedinge(n) toebehoirde/ Dair op de voirs(creven) jan van loeffen een aensprake dede tot den voirs(creven) goede(n)/ seggende dat jan wilen van eelwijt zweer des voirs(creven) jans van loeffen/ den voirs(creven) beemt ov(er) xxx jair en(de) dage gecocht en(de) gecrege(n) hadde
//
dwelc hij thoonde en(de) bewijsde met seke(re)n brieve(n) die aldair inde(n)/ rechte gelesen worden Seggende dair bij voirt de voirs(creven) jan van/ loeffen dat voirs(creven) wile(n) ja(n) van eelwijt sijn zweer de voirs(creven)/ goede beseten hadde ov(er) xxx jair en(de) dage en(de) dair boven/ als sijn prop(er) erve en(de) dat hij dair uut gestorve(n) wae(re) als/ uut sine(n) p(ro)pe(re)n erve ende dat de voirs(creven) goede kuergoede/ wae(re)n en(de) soe wat goede in dien hof kuergoede wae(re)n dat/ dat tsijs goede wae(re)n Oec dede noch seggen de voirs(creven) jan/ van loeffen dat ter tijt doen de voirs(creven) jan van beeringen/ tvoirs(creven) leen van zwineghem tege(n) den jonck(er) henr(icke) van/ witham soen des voirg(enoemde) he(re)n henrix cochte dat doen den/ voirs(creven) langen beemt inder voirs(creven) coma(n)scap niet vermaent en/ wairt Seggende voirt dat hem niet meer v(er)cocht en wairt/ dan alleen den tsijs kueren heerlicheit en(de) vier boend(er) lands/ dwelc al de voirs(creven) jan van loeffen boet te thoene(n) en(de) metten/ mynste(n) (et)c(etera) Op dwelck de voirs(creven) jan van beeringe(n) een v(er)antw(er)de(n)/ dede Seggende dat hem alsulken aensprake als de voirs(creven) jan/ van loeffen tot hemw(er)t gedaen hadde gheen onstade doen en/ soude en(de) dat bijde(n) redene(n) hier nae bescreve(n) want den/ voirs(creven) beemt leen goede wae(re)n rue(re)nde in leensce(n) rechte/ vande(n) jonck(er) van wezemale toebehoe(re)nde den leen van/ zwinege(m) dair inne hij voir meye(r) en(de) scepen(en) van loven(en) ge/ goet en(de) geerft was ende dat dat leen goede wae(re)n ende/ dat boet hij te thoone(n) en(de) mette(n) mynsten (et)c(etera) Segge(n)de/ mids dien de voirs(creven) jan van beeringe(n) want dese goede leen/ goede wae(re)n toebehoe(re)nde den leene van zwinege(m) voirscr(even)/ Dair inne hij voir meye(r) en(de) scepen(en) van loven(en) gegoet ende/ geerft es dat hem en(de) sijnre guedingen de voirs(creven) goede volgen/ selen Op dwelck de meyer van loven(en) maende de scepen(en)/ van loven(en) die wijsden voir een vo(n)nisse want hen de p(ar)tien/ thoenisse vermete(n) hadden dat sij dat beg(er)den taenhoe(re)n ende/ dae(re)n teynden recht Dair toe den p(ar)tien dach geteekent/ was Tot welke(n) dage de voirs(creven) jan van loeffen thoenden/ der pointe(n) en(de) de articule(n) hier nae volgende Inde(n) yersten
//
worden gelesen ii brieve dair op ten heylige(n) verhoirt worden/ iii goede ma(n)ne die late wae(re)n inden hof te wittham dair/ onder de goede dair om tgedinge es te wete(n) den lange(n)beemt/ gelegen sijn die droegen op hoe(re)n eedt ten heylige(n) dat/ de voirs(creven) brieve gemaect wae(re)n naehoe(r) banc recht en(de) dat/ alle pointen van rechte die dair toe sculdich wae(re)n te gescien/ nae hoe(r) banc recht geschiet wae(re)n It(em) ii van desen late(n) droege(n)/ dat sij van ja(n)ne wile(n) van eelwijt ov(er) xl jair den kuer van desen/ goeden hadde(n) wete(n) betalen Ende droegen voirt dat alle goede/ liggende onder desen hof dair kue(re)n uut ghingen tsijs goede wae(re)n/ gelijc uut den selven goede(n) gaen Item droege(n) noch ii goede ma(n)ne/ dat jan van eelwijt ov(er) xxx jair en(de) dage de voirs(creven) goede besete(n)/ hadde voir sijn p(ro)per erve en(de) dair uut starf als uut sine(n) erve ende/ dat sijn wijf dair nae inde selve goede bleef sitte(n)de als een tocht(er)sse/ It(em) droegen sij noch dat de voirs(creven) jan van loeffen getruwt hadde/ nae staet der heylig(er) kerken beatrice(n) wittige dochter des voirs(creven)/ jans van eelwijt Item droege(n) noch iii goede ma(n)ne die ov(er) de coma(n)scap/ wae(re)n dair jan van beeringe(n) sijn goede cochte in welke(n) coma(n)scap/ hem vercocht worden de heerlicheit en(de) tsijse rente(n) en(de) hueringen ge/ dragende al tsame(n) tot der weerden van xix clinkarde(n) sonder de/ kue(re)n die hij mede cochte en(de) die hier inne niet gerekent en wae(re)n/ met iiii boender lands die hier inne gereke(n)t wae(re)n en(de) dat dese(n)/ lange(n)beemt ind(er) voirs(creven) coma(n)scap niet vermaent noch geruert en wairt vercle(re)nde voirt dat h(er) henr(ic) van wittham niet meer/ en v(er)cochte dan den tsijs kue(re)n heerlicheit en(de) de iiii boend(er) lands/ Dair nae thoonde de voirs(creven) jan van beeringe(n) datme(n) dleen/ van zwinegem hielt in leensten rechte vande(n) jonck(er) van weze/ male Dair op ten eynde de meye(r) van loven(en) maende de/ scepen(en) van loven(en) die wijsde(n) voir een vo(n)nisse nae aensprake/ nae verantwerden en(de) nae thoenisse dat de voirs(creven) jan van loeffen/ inde(n) voirs(creven) beemt blive(n) sal cor(am) kersmak(ere) roelofs smacht borch(oven)/ ca(pelle)[ma(n)] ov(er)wynge iunior smet augusti xxi