Vanden godshuyse van/ zevenborne/ Het sijn comen in recht voir meye(r) en(de) scepen(en) van loeven(en)/ inde banck ald(air) wouter van haren als p(ro)curator en(de) mechtich/ gemaect in behoirliker vormen vanden voirs(creven) godshuyse van/ zeve(n)borne in deen zijde ende h(er) coenrart van scoenvorst/ hee(re) tot elsloe (et)c(etera) in dande(re) Dair de voirs(creven) wouter van/ haren inden rechte dede lesen seker scepen(en) brieve va(n) loeve(n)/ Te weten iii scepen(en) brieve daer mede een jan de pape/ van wynghe gegoet en(de) gheerft was in alle de goede en(de)/ heerlicheide(n) met allen hoe(re)n toebehoirten van sent aeghten/ rode en(de) dair na ene(n) ande(re)n scepen(en) brief van loeve(n) dair/ mede de voirs(creven) jan de pape den yersten brieven na den/ rechte d(er) stat van loeven acht(er)volgen(de) de voirs(creven) goede ende/ heerlicheiden wed(er) uutgegeven hadde voir scepen(en) van loeve(n)/ erfliken lodewijcken roelant en(de) henricken vanden bekene op/ der hee(re)n recht (et)c(etera) en(de) op vijftich rijnssche gulden(en) erflik(er)/ renten den godshuyse van seve(n)borne voirscr(even) erflike(n) daer/ uut te betalen Ten eynde versueken(de) de selve wouter/ datmen hem vanden voirs(creven) renten houden woude in sijn/ scepen(en) brieve van loeven(en) voe(r) geruert Daer op de/ voirs(creven) h(er) coenrart van scoenvorst een aensprake dede in/ manie(re)n van verantwerden(e) des voirs(creven) es Seggende dat hij/ de voirs(creven) renten uut den voirs(creven) goeden nyet sculdich en wa(r)e/ te betalen en(de) dat hij redene(n) hier nae bescreve(n) ende bezu(n)d(ert)/ en(de) p(ri)ncipaliken bi eenre clauselen staende in enen brieve dair/ mede jonck(er) jan wilen van scoenvorst borchgreve tot mon/ jouwen de voirs(creven) goede en(de) heerlichheide(n) in zuster deylinge(n)/ ov(er)gaff joffr(ouwe) katline(n) wilen van scoenvorst suster des voirs(creven)/ jonck(er) jans en(de) op die tijt wittich wijf en(de) gesellinne
//
jonck(er) willems van zeyn van welken brieve de tenur hier nae/ volght Johanne bid(er) gracien gods h(er)toghinne van luccenborch van/ loth(aringe)n van brabant en(de) van lymb(orch) mercgrevi(n)ne des heylichs rech/ rijcs doen cond allen lieden dat opten dach dat(um) des briefs/ voe(r) ons quam en(de) voe(r) onse ma(n)ne van leen hier ond(er) genoemt/ onse lieve en(de) getruwe jan van scoenvorst hee(re) tot mo(n)jouwen/ Seggende hoe dat hij ov(er)mids sceidinghen in gerechter deylingen/ tusschen zuster en(de) gebruede(r) hem tontgoedene beg(er)de vander/ erflicheit en(de) van alle den rechte dat hij hadde oft e(n)nichsins/ hebben mochte inden huyse van sent aeghten rode met den dorpe/ van rode nuwerporten clabbeke ond(er) den bosch nethenen/ ottenborch met hue(re)n toebehoerten en(de) metten gerichten ende/ heerlicheiden daer toe behoe(re)nde tot behoef ons(er) geminder/ joffr(ouwe) katlinen van scoenvorst sijnre suster met onsen lieven/ neve en(de) getruwen rade willem(me) van zeyn hee(re) tot arkenen/ en(de) tot bossuyt hue(re)n man en(de) momboir daer tegewordich/ staende alsulken condicien en(de) vorwarden daer toe gedaen/ So waer de selve joffr(ouwe) katline sijn zuster sond(er) wettighe/ gebuerte v.nae? [van] hae(re)n live nae hae(r) te laten [aflivich worde] en(de) onse voirs(creven)/ neve willem van zeyn joffr(ouwe) katline(n) sijne(n) wive ov(er)leefde/ so sal de selve willem onse neve dese selve goede geheelic/ en(de) all behouden en(de) die peysselic gebruycken sijn leefdage/ langc en(de) na hem so selen de voirs(creven) goede met allen hue(re)n/ toebehoerten weder verschijnen ende ke(re)n op janne van/ scoenvorst hee(re) te mo(n)jouwen voirscr(even) en(de) sijne(n) erfgename(n)/ sond(er) argelist met meer poenten noch in desen brieve/ bescr(even) desen gedinghe nyet dienende Daer af dat/ de datu(m) was xvi dage in decembr(i) int jaer ons he(re)n/ xiii[c] en(de) neghentich en(de) neghen Tot den welken den/ voirs(creven) brief gelesen sijnde de voirs(creven) h(er) coenraert met sijne(n)/ geleverden voersprake dede seggen datmen openbairlic/ hoe(re)n en(de) verstaen mochte ind(er) clauselen voirscr(even) dat/ de voirs(creven) jonck(er) van zeyn en(de) joffr(ouwe) katline van scoenvorst/ sijn geselli(n)ne nyet mechtich en wae(re)n de voirs(creven) goede/ ende heerlicheiden te beco(m)me(re)n Aengesien en(de) gemerct/ dat sij sonder wittighe geboirte gestorven wae(re)n dwelc
//
h(er) coenrart boet te thoenen gelijc hij dat oec thoende met/ alrehande ande(re)n thoenisse die hij mede hier toe tot sijnre/ saken inlede en(de) cleedde die oic hier op verhoert worden/ Op welke aensprake de voirs(creven) wouter van haren als p(ro)cur(eur)/ en(de) mechtich gemaect vand(er) saken voirscr(even) hem met sijnen/ gelev(er)den voerspreke verantwerde Seggende dat hem/ inden name vanden voirs(creven) godshuyse van seve(n)borne de/ voirs(creven) aensprake aen de voirs(creven) vijftich gulden(en) erfliker/ renten nu(m)m(er)meer onstade doen en sal en(de) dat bide(n) redene(n)/ hier na vercleert Ierst seggende en(de) allige(re)nde op de/ clausele voe(r) geruert dat die den selven godshuyse/ aen de renten voirscr(even) gheen onstade doen en sal gemerct/ dat die clausele begrijpt so waer de voirs(creven) jonck(er)/ willem van zeyn d(er) voirs(creven) joffr(ouwe) katline(n) van scoenvorst/ ov(er)leefde dat hij dan de voirs(creven) goede sijn leefdage langc/ geheelic besitten soude en(de) dat de selve goede dan nae/ sijn doet wed(er) comen souden en(de) verschijne(n) aen den voirs(creven)/ jonck(er) janne van scoenvorst en(de) sijne(n) erfgenamen en(de) nu/ de voirs(creven) jonck(er) willem van zeyn l aflivich worden es/ voer der voirs(creven) joffr(ouwe) katlinen sijne(n) wive so gelijc de voirs(creven)/ wouter dat boet te thoenen en(de) namaels bethoende So/ en heeft de voirs(creven) clausele gheen stat noch macht begrepe(n)/ ende en es nye in wesen comen mer de voirs(creven) ghichte/ en(de) goedinge es in hue(re)r yerster macht bleven gelijc die/ in rechter suster deylinghen geschiet es en(de) aldus dan blijct/ openbairliken dat de voirs(creven) jonck(er) willem van zeyn en(de)/ joffr(ouwe) katline van scoenvorst wael mechtich wae(re)n nyet/ wed(er)staende d(er) clauselen voirscr(even) die doch nye macht/ en greep hue(r) voirs(creven) goede te beco(m)me(re)n Ende dede de/ voirs(creven) wout(er) van haren noch voert seggen en(de) boet open/ bairlic te bethoene(n) dat de voirs(creven) jonck(er) willem van zeyn/de en(de) joffr(ouwe) katline van scoenvoerst de voirs(creven) goede besaten/ als hue(r) p(ro)pe(r) vry goede dier wael mechtich sijnde te/ beco(m)me(re)n en(de) dat de voirs(creven) jonck(er) willem daer voe(r) uut
//
starf als uut sijne(n) p(ro)pe(re)n goeden en(de) dat de voirs(creven) joffr(ouwe) katline/ sijn gesellinne daer in bleef sittende als in hue(r) p(ro)pe(re) goede/ en(de) dat sij daer na daer uut starf als uut hae(re)n p(ro)pe(re)n/ goede(n) Altoes vercle(re)nde dat sij dier wael mechtich was/ te beco(m)me(re)n dwelc de voirs(creven) wouter geheelic en(de) all open/ bairlic thoende ond(er) den ande(re)n met ons genedichs hee(re)n/ des h(er)togen van burg(oig)[nen] en(de) van braba(n)t ma(n)ne van leen/ thoenende so waer de goedinge voer onsen gened(igen) hee(re) ende sijn/ ma(n)ne geschiet wa(r)e gelijc de guedinge voirscr(even) es dat sij/ die van weerden houden souden Oec thoende noch de voirs(creven)/ wout(er) dat de voirs(creven) van seve(n)borne vanden voirs(creven) renten/ in possessien en(de) in hebbinge(n) geweest hebbe(n) met alrehande(n)/ meer thoenissen en(de) cleernissen die de voirs(creven) wout(er) van haren/ hier toe tot des voirs(creven) godshuys behoef van seve(n)borne inde(n)/ rechte dede seggen en(de) verhalen Sluytende ten eynde biden/ thoenissen die hij daer op geleydt hadde en(de) biden redene(n)/ die hij d(aer) toe dede seggen dat hem tot behoef des voirs(creven)/ godshuys van sevenborne alsulken aensprake als de voirs(creven)/ h(er) coenrart gedaen hadde op de voirs(creven) vijftich gulden(en)/ erfliker renten gheen onstade doen en soude (et)c(etera) Alsoe/ dat ten uutdrage de meye(r) van loeven(en) maende de/ scepen(en) van loeven(en) die wijsden voe(r) een vo(n)nis Nae/ aensprake nae verantwerden na thoenisse en(de) na all/ dats voe(r) hen comen ware Dat den voirs(creven) godshuyse/ van sevenborne de voirs(creven) vijftich gulden(en) erfliker renten/ na begrijp van hue(re)n scepen(en) brieven van loeve(n) volgen/ selen cor(am) kersmake(re) roelofs smacht borchove(n) capel/ lema(n) ov(er)wynge iuniore smet febr(uarii) xix anno xiiii[c]/ xxxvi