It(em) gheert noyens van kessele jan en(de) wout(er) noyens gebruede(re)n/ sone wouters wilen noyens van vorsselaer wonende tot he(re)nthout/ hebbe(n) gekent en(de) gelijdt [openbaerlic] dat si van h(ere)n goessen van zoeme(re)n/ canonick d(er) kerk(en) van sente peters tot loeven ontfaen hebben/ ene(n) scepen(en) brief van loeven die de vors(creven) wile(n) wout(er) vader/ der voirs(creven) gebruede(re) voe(r) scepen(en) va(n) loeve(n) bekendt hadde woute(re)n/ noyens soen jans noyens oem des vors(creven) wile(n) wouters arnde en(de)/ gheerde noyens gebruede(re)n en(de) goessen vanden bogarde va(n) mechele(n)/ sprekende van c l(i)b(ra) grote(n) tornoyse Ghelovende de vors(creven)/ gheert jan en(de) wout(er) gebruede(re) dat mette(n) vors(creven) schoutbrieve/ niet gewracht en sal w(er)den noch werken en selen dat/ yemande so wie hi sij aen sinen lantrecht e(n)nich hijnder/ oft letsel gedragen sal in negheenre manie(re)n roelofs borch(oven)/ f(er)ia v post festu(m) pasche