Van pete(re)n vander beke/ Item van alsulken gedinge als opten dach van heden geweest is/ voir meye(r) en(de) scepen(en) van loeve(n) tusschen henricken van lye(re) die(n)/ na den rechte der stat van loeve(n) geleydt es tot den goeden/ goerts vande(r) biest in deen zijde en(de) pete(re)n vander beke van/ mechlen in dande(re) Te weten van (½) boende(r) lants gelege(n)/ inde p(ro)chie van duffle tusschen dande(r) goede des voirs(creven) pet(er)s/ vand(er) beke en(de) de goede des cloesters van rosendale in/ welken gedinge onder den ande(re)n de voirs(creven) peter vand(er) beke/ dede seggen en(de) ruere(n) dat hij van dien goeden in die/ banck van duffle also lange en(de) verre gedingt hadde/ datsi in beyde(n) zijden tot hoe(re)r waerheit gewijst worden/ welc de voirs(creven) henric niet en wederseide (et)c(etera) Es ten eynde/ en(de) ten slote tvonnis want sij verstonden datsi inden hof
//
gedingt hadden daer onder de voirs(creven) goede hoven dat sij de/ p(ar)tien daer a f weder setten inden voirs(creven) hof recht aldaer/ voert te nemen en(de) te gheven cor(am) kersmake(re) smacht/ borchoven capelleman ov(er)wynge iunior smet novembr(is) xv