Van willem(me) boecmans/ s(en)te pet(er)sma(n)ne van loeven(e)/ Item van alsulken gedinge als geweest is voir meye(r) en(de) sente/ peters ma(n)ne van loeven(e) tusschen janne maes van rikevorsel/ ende goerde ansems als momboir lijsbetten maes sijns wijfs zust(er)/ des voirs(creven) jan maes in deen zijde en(de) willem(me) boecmans sente/ peters ma(n)ne van loeven in dande(re) dair de voirs(creven) jan maes/ en(de) goert ansems als momboer d(er) voirs(creven) lijsbetten sijns wijfs/ yesschen half de have die de voirs(creven) willem boecmans houden(de)/ is en(de) oic bleven is na de doot katlinen wilen maes wijf/ des voirs(creven) willem boecmans en(de) wittich moeye des voirs(creven)/ jan maes en(de) lijsbetten die wijf is des voirs(creven) goert ansems/ mids dien dat sij seiden en(de) oic boden te thoenen dat der/ banck recht te rikevorsel wa(r)e so wa(n)neer een wijf aff/ livich worde sonder oir te hebben van hue(re)n man dat dan/ de naeste levende van hoe(r) den man haf half de have/ affdeylde (et)c(etera) Ende de voirs(creven) willem boecmans dair op/ dede verantwerden dat trecht van sente pet(er)s ma(n)scap/ also edel wae(re) dat de leste leven(de) van ma(n)ne en(de) wijf/ also hij nu van sinen wive es die have allene sijn leefdage/ behielt Dair op in beyde zijden beyde thoenissen ende
//
alrehande ander besceit bij sente peters ma(n)ne van loven(e) verhoert/ wart (et)c(etera) Es ten eynde tvonnis dat alsulken aensprake als/ de voirs(creven) jan maes ende goert ansems als momboir lijsbetten/ sijns wijfs gedaen hebben tot den voirs(creven) willem(me) boecman/ hen engheen scade doen en sal noch den voirs(creven) willem(me)/ ontstade cor(am) jacobo ex lyemi(n)gen nycholao kersmake(re) janne/ van oppendorp judoco absoloen godefrido roelofs d(omi)no simone/ pynnoc milite joh(ann)es de nethenis waltero wittema(n) joh(ann)e/ de borchoven ho(min)ib(us) s(anc)ti petri lovan(iensis) Anno xiiii[c] xxxvi nove(m)br(is)/ penultima