van janne calaber/ Uut dien dat jan vanden vae(re)nberghe ene(n) langen tijt voir den/ raide vander stat van loven(en) groet vervolgh gedaen heeft tegen janne/ calaber om alsulken gedinge als de selve jan calaber voir den officiael/ van ludick tegen den voirs(creven) janne vande(n) vae(re)nberge gehadt heeft van/ ene(n) stuck beemts gelegen inde p(ro)chie van langdorp onder den do(r)enberch/ tusscen de goede jonck(er) anthonijs van rotselair ende de lake Dair de voirs(creven)/ jan vande(n) vae(re)nberge als te verstaen gegeve(n) heeft dat hij vande(n) voirs(creven)/ ja(n)ne calaber tonrechte te ludic gedaeght en(de) gevoert worde gemerct/ dat gheen vande(n) drie poente(n) en wae(r) Dair om datme(n) te ludic dage(n)/ mach nae dat de voirs(creven) jan calaber gheen testamen(n)t en hadde alsoe/ de voirs(creven) jan vande(n) vae(re)nberge uutgaf den voirs(creven) janne v calaber/ de co(n)trarie openbairlic proevende en(de) bibrengende gelijc dat blijct inde/ p(ro)cesse vande(n) gedinge te ludic gehanteert dair in dat de(n) voirs(creven) ja(n)ne/ calaber de voirs(creven) goede met eenre sente(n)cien diffinitijf bij den officiael/ van ludic aengewijst sijn Soe eest dat de raet vand(er) stat die/ noode sach en(de) genomen(n) soude hebben dat de voirs(creven) jan vande(n) vae(re)nb(er)ge/ hier om te mael verderflic geworden soude hebben also dat wael/ gescapen was nae dien dat de voirs(creven) jan calaber sine(n) cost die hij/ h(ier) om gedaen hadde vervolght soude hebben nae der sentencien/ voirs(creven) den selve(n) ja(n)ne calaber also verre onderwijst ende gebede(n)
//
heeft dat hij den voirs(creven) janne vande(n) vae(re)nberge den voirs(creven) cost quijt/ woude schelden gelijc hij dat guetlic gedaen heeft Bij also dat/ de voirs(creven) jan vande(n) vae(re)nberge hem voirtane vande(n) voirs(creven) goeden/ ongemoeit woude late(n) ende hem in sine(n) gewijsden vo(n)nisse voirscr(even)/ peyslic liet berusten sonder mette(n) appeele te colen gedaen voirt te/ vae(re)n dwelc der voirs(creven) jan van vae(re)nberge den raede vand(er) stat also/ oec toeseide en(de) geloofde te doen Ende kende openbairlic dat hij/ hem gheens rechts tot den voirs(creven) goede(n) meer en vermate gelijc/ tvoirs(creven) vo(n)nisse begreep en(de) inhielt cor(am) d(i)c(t)o ludo(vi)[co] pynnoc (et) henr(ico)/ wante burgim(a)g(ist)ris nych(olao) kersmak(ere) walt(er)o cap(elle)[ma(n)] (et) joh(ann)e de ov(er)wy(n)ge/ iunio(r)e scab(inis) (et) (cum) pl(ur)ibus aliis de consilio febr(uarii) vi