Item van alsulker aenspraken die jan van tillr(ode) gedaen heeft tot/ werne(re)n van davelez van c en(de) x g(ri)pen ludix gelts die de/ voirs(creven) werne(r) opgehaven soude hebben van seke(re)n goeden die/ toebehoerden den voirs(creven) janne van tillr(ode) en(de) die gecocht heeft/ willem de roolede/ Dair af de selve jan van tillr(ode) alrehande redene(n) dede seggen mids/ den welken hij meynde dat hem de voirs(creven) werne(r) de voirs(creven)/ c en(de) x g(ri)pen weder oprichten en(de) betalen soude Dair/ op de selve werne(r) de contrarie houden(de) en(de) met vele redene(n)/ inden rechte dede seggen dat hij hem die niet sculdich en wae(r)/ wed(er) te ke(re)n biedende en(de) p(rese)nterende ten eynde en(de) ten/ slote sijne(n) eedt dat hij den voirs(creven) janne vande(n) voirs(creven) c en(de)/ x gripen niet sculdich en wae(r) Heeft tvonnis d(er) scepen(en)/ van loeve(n) gewijst so waer de voirs(creven) werne(r) sijne(n) eedt/ doet gelijc hij geboden heeft dat hij dair mede gestaen/ sal kersmake(re) roelofs smacht borchove(n) cap(elle)[ma(n)] ov(er)wynge/ iunior smet febr(uarii) ix