It(em) want stoet en(de) geschille op verstaen sijn tusschen janne keyenoghe/ inde proefstrate en(de) woute(re)n vanden eynde die na den rechte d(er) stat van/ loeven comen en(de) geleidt zijn tot de(n) goeden jans van maerbeke in/ deen side en(de) janne tavernyer dieme(n) heet coelman die wyn es/ des voirs(creven) jans van maerbeke ter sart in dande(re) Alse dat de/ voirs(creven) jan tavernyer de voirs(creven) goede meswonne(n) soude hebben/ So sijn de vors(creven) p(ar)tijen des comen voe(r) scepen(en) van loeven en(de)/ hebbe(n) hen vanden voirs(creven) stote en(de) van allen ande(re)n sake(n) die/ deen den ande(re)n eysschende mach zijn gekeert en(de) gesubmitteert in/ segge(re)n en(de) vriendelike yffene(re)n Te weten de vors(creven) jan keyenoge/ en(de) waut(er) vande(n) eynde in mathijse keye henricke vand(er) lynden en(de)/henricke coelman [lodewijcke vand(er) eect] En(de) de vors(creven) jan tavernyer in arnde de cup(er)e/ waute(re)n de ridde(re) ende wille(m)me de scepe(re)/ Op also dat de voirs(creven) segge(re)n tyerst alle bescheyt aengehoert/ hae(r)n segghe(n) segghe(n) en(de) uutspreke(n) selen tusschen dit en(de) xiiii/nacht na [en(de)] beloken(en) paesschen naest comende op dat si des/ eens en(de) van accoerde werden En(de) op dat si des niet eens noch/ van accoerde gew(er)de(n) en consten So sele(n) de vors(creven) sesse segge(re)n/ eendrechtichlic neme(n) en(de) kyese ene(n) ov(er)man gesete(n) inde p(ro)chie/ van ned(er)yssche die sijn segge(n) vande(n) stote vors(creven) uutspreken sal/ bynnen xiiii nachten d(aer) na sond(er) myddel volgende Gelovende/ beyde de p(ar)tien voirscr(even) vast en(de) gestedich te houden en(de) te voldoen/ alle tgheen des de voirs(creven) segghe(re)n oft de voirs(creven) ov(er)man vanden/ stote voirs(creven) segghe(n) uutene(n) en(de) p(ro)nu(n)cie(re)n selen sond(er) argelist/ ov(er)wynghe smet m(ar)cii xxv/[Dits xiiii nacht verlengt vanden dage van heden roelofs smet aprilis xv des maend(aeghs)]/ ADDENDUM / Walt(erus) de/ fine solvit/ sup(er)portavit?/ nob(is) ii stuv(er)s/ q(ui)s eor(um) dedit/ nescio