Cond sij allen lieden dat want stoet en(de) gheschille opv(er)staen wae(re)n/ tusschen clase van stakenborch clerc opten regist(er) d(er) stat van/ loeven in deen side en(de) henricke(n) eveloghe vedermake(r) in dande(re)/ Alse van haerre beyder erve gelege(n) inde de dorpstrate tusschen/ de goede h(er) kerstiaens lu p(ri)esters en(de) wouters moreel cled(er)mak(er)s/ daer af de selve p(ar)tijen hen [claerlic] gekeert en(de) ghesubmitteert hebbe(n) ind(er)/ stat geswo(r)en meesters en(de) geswo(r)en wercliede So sijn meester/ jan vand(er) brugge(n) meest(er) lodewijc va(n) hortbeke en(de) meest(er) willem/ de beer geswo(r)en meesters en(de) wercliede vand(er) stat va(n) loeven vorscr(even)/ des comen voe(r) scepen(en) van loeven en(de) hebben vanden vors(creven) stote/ hae(r) segghen eendrechtichlic gesproke(n) en(de) uutgeseeght inder/ manie(re)n hier na volgende Te weten is dat alle reyn water/ vallende en(de) come(n)de vande(n) huyse(n) des vors(creven) claes en(de) henrix/ de vors(creven) claes op sine(n) cost acht(er)w(er)t leyden sal ov(er) sijn goede/ tot op x voete na den bornputte staende acht(er) de(n) hof des/ voirs(creven) claes en(de) van daer voert sal de vors(creven) henr(ic) eveloghe/ tselve wat(er) voert leyde(n) op sinen cost ov(er) sijn erve gelijc hem/ dat [best] gelieve(n) sal also dat de(n) vors(creven) clase noch nyema(n)t anders/ d(aer) af gheen scade en come(n) Behoudelic dien waert also/ dat de voirs(creven) clase claes in toecomenden tide ty(m)meren/ woude een cleyn huysken tussche(n) den selver p(ar)tijen erve staende ter
//
straten dat hi dat soude moghen doen na inhebbe(n) vande(n) scepene(n) brieve(n) die/ d(aer) af gemaect zijn Op also dat de vors(creven) claes dwater van dier nuwer/ ty(m)meringhen comende leyde(n) sal ov(er) sijns selfs erve sond(er) de(n) vors(creven) henricke(n)/ eveloghe e(n)nige(n) last d(aer) af te hebbe(n) welc seggen en(de) uutsprake aldus biden/ voirs(creven) meesters en(de) wercliede geseeght en(de) uutgesproken Hebbe(n) de vors(creven) p(ar)tijen/[geloeft] malc de(n) ande(re)n [tot ewilike(n) dage(n)] vast en(de) gestadech te houden en(de) die te voldoen also dat/ elk(er) p(ar)tie(n) vast en(de) sek(er) sijn sal capellema(n) smet m(ar)tii xxvi