Cond sij allen lieden dat jan laureys dieme(n) heet coman/ in jegenwordicheit d(er) scepen(en) van loeve(n) gestaen heeft/ genome(n) en(de) bekendt dat hi genome(n) heeft van jonck(er) rogier/ van pyet(er)shem he(re) van weerde en(de) van leefdale de molene(n)/ van wesemael te wete(n) de core(n)molen en(de) de slachmole(n) met/ hae(re)n toebehoirte(n) des selfs jonck(er) rogiers gelege(n) tot uuthem/ inde p(ro)chie van wesemael opte wynghe ald(aer) Te houden en(de)/ te hebbe(n) van sentjans misse bap(tis)[te(n)] naist comende ene(n) t(er)mijn/ van drie ja(r)en deen na dand(er) d(aer) na sond(er) myddel volgende/ Elcs jaers daer en bynne(n) om dertich mudde rogs goet/ en(de) payabel d alsulke(n) rogghe als de vors(creven) molen wynne(n)/ sal d(er) maten van loeven alle ja(r)e de(n) vors(creven) t(er)mijn duer(ende)/ half te kersmisse en(de) half tsentjans misse te betalen
//
en(de) inde vors(creven) molen te leve(re)n en(de) telken t(er)mijne alse v(er)volghde/ schout En(de) is vorw(er)de waert also dat de(n) vors(creven) jan [jonck(er) rogier] bynnen den/ voirs(creven) t(er)mijne e(n)nighen scade lede oft hadde aende steene oft aende/ molene(n) die toeq(ua)me bi ocsuyn en(de) toedoen des vors(creven) jans dat de/ selve jan dien de(n) vors(creven) jonck(er) rogier oprichten en(de) betale(n) sal ter/ taxacie(n) van goede(n) ma(n)ne(n) die hen des v(er)staen op also dat de vors(creven)/ jonck(er) rogier de vors(creven) molene(n) wel en(de) loflic houde(n) sal van wande/ en(de) van dake en(de) van allen gaende en(de) kerende werck en(de) oec/ van steene(n) also dat den vors(creven) janne d(aer) af gheen scade en come(n)/ sond(er) argelist En(de) haer af sijn borghe(n) des vors(creven) jans/ alse p(ri)n(cipa)[le] sculde(re)n ongesund(er)t en(de) ongescheiden goessen de man van/rotse wonende te vlasselair en(de) lambrecht de man wonende/ te rode [bi cortelke] quos indempnabit smacht ov(er)wynghe iunior junii x