It(em) want een composicie gemaect is tusschen den meyer van thienen/ van ons gnad(ichs) he(re)n wegen in deen zijde en(de) gheerde h(er)mans in dande(re)/ alse van alsulken weghe in cypers als den meye(r) van halen inde(n)/ name en(de) tot behoef des voirs(creven) ons gnad(ichs) he(re)n van seke(re)n mesgripe/ ov(er) den selve gheerde aengewijst es met den hoetvo(n)nisse d(er) scepen(en)/ van loeven ende de selve gheert den voirs(creven) meye(r) van thiene(n)/ vanden gelde d(er) voirs(creven) bedev(er)t vernueght heeft So sijn comen/ voe(r) scepen(en) van loeven claes tsoers en(de) willem van sevenhuysen/ en(de) hebben geloeft ongesund(er)t en(de) ongesceiden den voirs(creven) gheerde/ waert also dat hem e(n)nigen last cost of co(m)mer quame het/ wae(re) van den meye(r) van halen of van yemants and(er)s die/ toeq(ua)me vander saken voirscr(even) dat si den selve(n) gheerde d(aer)/ af quijt los scadeloes en(de) co(m)merloes ontheffen en(de) ontlasten/ selen sond(er) argelist pynnoc abs(oloens) oct(obris) xxvi