It(em) jan der decke(re) in jegewoirdich(eit) der scepen(en) van loven(e) gestaen/ heeft verhuert en(de) bekent dat hij verhuert heeft henricke(n)/ vand(er) hellen so steenmetse(r) en(de) yden sine(n) wive dachterste ghe/ deelte vande(n) huyse des voirs(creven) jans met tween came(re)n deen onder/ en(de) dand(er) bove(n) inde(n) selve(n) huyse staende en(de) met sine(n) toe/

behoirte(n) gelege(n) met ene(n) gedeelte vande(n) hove den selven/ huyse toebehoe(re)nde welc geheel goede gelege(n) sijn inde/ bout(er)she(m)st(ra)te tussce(n) de goede jans van mechle(n) en(de) wille(m)s/ van breyne en(de) es tvoirs(creven) acht(er)ste gedeelte vande(n) voirs(creven)/ huyse en(de) tgedeelte vande(n) hove gelege(n) acht(er) de selve/ goede gelijc dat gedeelte vande(n) ande(re)n goede(n) openbairlic/ met seke(re)n teeken(en) en(de) pale(n) verscheide(n) en(de) bet gedeilt es/ Te houde(n) en(de) te hebbe(n) also lange als de voirs(creven) henr(ic) en(de)/ yde sijn wijf leve(n) sele(n) en(de) deen [de leste] van hen beyde(n) leste [langst] leve(n) sal/ voir ene(n) seke(re)n prijs dair af de voirs(creven) jan de decke(re) bekent/ heeft dat hem vande(n) voirs(creven) henr(icken) en(de) yde(n) sine(n) wive(n) volco/ melic genoegh geschiet es [den selve(n) henr(icken) (et) yde(n) d(aer) af te mael quijschelde(n)de] Ite(m) es vorw(er)de dat de/ voirs(creven) jan de decke(re) de voirs(creven) huyse houde(n) sal wel en(de) loflic/w van wande en(de) van dake also lang en(de) alle(n) den tsijs/ en(de) last dair uut gaende betale(n) also lange als de voirs(creven)/ henr(ic) en(de) sijn wijf leve(n) sele(n) en(de) de leste van hen beyden/ leve(n) sal It(em) selen de voirs(creven) henr(ic) en(de) sijn wijf hebben/ hoir leefdage langc en(de) des leste(n) leefdage van hen beyde(n)/ tvierdel van alle(n) den oefte in opte voirs(creven) goede jairlix/ wasse(n)de cor(am) eisd(em)