Van goerde van haeght en(de)/ janne de becke(re)/ It(em)/ It(em) na dat opten dach van heden voer meye(r) en(de) scepen(en) van loeven / inde banck aldaer in recht comen zijn goert van haeght [en(de) jan de becke(re) sijn zwag(er)] die/ na den rechte der stat van loeven comen en(de) geleidt sijn tot den/ goeden hier na bescreven alteyten dochter reyners wilen de h(er)toge/ en(de) weduwe jans wilen scherme(re) diemen heet coppens Inden/ yersten [tot] een stuck wijngarts gelege(n) te cortbeke ov(er)dyle tussche(n) de goede/ des vors(creven) willems ts(er)arts en(de) de goede henrics van velpe It(em) [tot] een beemdeken/ gelegen aldaer aende veweyde neven de goede der voirs(creven) aleiten wedu/ we jans wilen scherme(re) diemen hiet coppens/ in deen zijde en(de) willem ts(er)aerts in dande(re) Daer de voirs(creven) goert/ van haeght ende jan de becke(re) met hoe(re)n geleverden voersprake/ deden versueken datmen hen houden woude vanden voirs(creven) goeden/ in hoe(re)n beleyde ende daer doen ter stont de voirs(creven) willem/ ts(er)aerts de voirs(creven) gorde aensprack onder den ande(re)n inder selver/ sijnre aenspraken ruerende van enen testamente uut welx macht/ hij aen de selve goede comen soude zijn met alrehande redenen/ die der voirs(creven) willem aldaer inden rechte dede seggen En(de) daer/ op de voirs(creven) goert van haeght en(de) jan de becke(re) hen verantwerde(n)/ te kennen ghevende dat hen noch hoe(re)n beleide de voirs(creven) aen/ sprake aen de voirs(creven) goede gheen onstade doen en soude bij seker/ redenen van gebuerten die sij vander voirs(creven) aleyten wegen inden/ rechte ald(aer) deden seggen met vele ande(re)n notablen redene(n) die/ sij daer toe deden seggen Es ten eynde tvonnisse datmen/ den voirs(creven) goerde van haeght en(de) janne de becke(re) vanden voirs(creven)/ goeden houden sal in hoe(re)n beleide ende mids dat de voirs(creven) willem/ testament ruert dat laten zij gaen daer dat sculdich es te/ gaen cor(am) abs(oloens) witteman vynck boys voshem novembr(is) xxiii