Van woute(re)n luyten/ It(em) na dat lubrecht box wouter luyten van ghele tot loeve(n)/ inhadde doen scriven lubrechte box oec van ghele die ov(er)mids/ macht van scepen(en) brieve(n) van loeven comen en(de) geleydt is tot de(n)/ goeden jans kemme(re) van he(re)nthals mids dat de selve lubrecht den/ voirs(creven) woute(re)n uut macht vanden voirs(creven) beleyde de(n) hijnder en(de) crot dede/ aende goede hier na bescreve(n) Inde(n) yersten aen huys en(de) hof met/ v zillen lants daer aen gegele gelege(n) en(de) met allen ande(re)n sine(n) toebe/ hoirte(n) gelege(n) inde p(ro)chie van ghele tot rauwelichoven neve(n) de goede/ willem en(de) gheerts soffen gebruede(re)n comende mette(n) ene(n) eynde tot/ aen de ghemeyn strate ald(aer) Ite(m) aen een stuck erfs geheten de(n) zant/ hovel mett(er) elst d(aer) aen gelege(n) houdende te samen vier boende(r) luttel/ min oft meer gelege(n) ald(aer) tussche(n) de goede gheerts soffen en(de) de/ goede willems van rauelichoven in deen side en(de) de gemeynst(ra)te/ ald(aer) in dande(re) It(em) [aen] twee bloecke lants gehete(n) dnuweblock en(de)/ dblarenblock houdende te samen vier boende(r) gelege(n) bide goede voirs(creven)/ tusschen de goede henrics mens in deen side en(de) willems van rau/ welichoven in dande(re) comende metten eynde aende laren strate It(em)/ aen half boend(er) boschs gehete(n) jan kat(er)ine(n) zanthovel gelegen/ inde p(ro)chie van gheele tusschen de goede jans hulters en(de) willems/ soffen It(em) aen een broeck gehete(n) boxbroeck houdende iii(½) boende(r)/

gelege(n) inde p(ro)chie van gheele te laer tussche(n) de goede jans/

vand(er) straten en(de) jacobs van ysschot en(de) neven de beke gehete(n)/

maelhuyser nethe It(em) aen een bloc lants ghehete(n) den nijskensacker/ houdende iiii(½) zille gelegen te rauwelichoven tussche(n) de goede/ wouters wilen luyten en(de) de gemeynstrate It(em) aen een block lants/ gehete(n) thaenve(n)ne gelege(n) ald(aer) neven de goede coels van haeght/ uutgaende tot der laru(m)merstrate houdende inde mate iii(½) zille/ Om dat de voirs(creven) wout(er) luyten na den lantrecht ald(aer) tot de(n)/ voirs(creven) goeden als tot sine(n) erfgoeden dede voerdaghen en(de) de vors(creven)/ lubrecht opte(n) dach van heden tot loeve(n) int recht niet comen en/ es de(n) selve(n) woute(re)n inden rechte ald(aer) compare(re)nde en(de)/ voertcomende So hebbe(n) de scepen(en) van loeven bi mae(n)nissen/ smey(er)s va(n) loeve(n) gewijst voe(r) een vonnisse dat de vors(creven) wout(er)/ luyte(n) sijn recht voert volge(n) sal gelijc hi dat begonne(n) heeft/ inde(n) hof d(aer) de vors(creven) goede hoven cor(am) pynnoc wit(te)[ma(n)]/ vynck boys voshem dece(m)br(is) x[a]