Cond sij allen lieden dat wouter corduwaens gielijs vand(er) he(re)ndale/hoeve(n) jan oeghe en(de) peter symoen bollarts laten sproefsts van/ ghempe in sine(n) hof tijntbroec in jeg(enwordicheit) der scepen(en) van loven(e) ghe/ staen hebben getuyght en(de) gedragen dat sij als late des voirs(creven)/poe proefts dair bij ov(er) en(de) aengeweest hebben dair reyne(r) vande(n)/ broecke als meye(r) des abdissen van vrouwenp(er)ke proefsts/ van ghempe in sine(n) voirs(creven) hof [ten versueke roeloff vranx] bij hen met iiii genechte(n) gedaeght/ heeft voir gebreck van drie mudde rogs der mate(n) van loven(e)/ jairlix en(de) erflix pachts die [de voirs(creven)] roelof vranx erflic houde(n)de was op/een [twee] stucke(n) lands houden(de) drie en(de) een halve zille gelege(n) inde/ p(ro)chie van lybbeke opte(n) zavelberch [Te wete(n) deen stuc houden(de) ii(½) dach(mael)] tusscen de goede sheylichsgheests/ van loven(e) en(de) der kijnde(re)n van ee(re)nboudege(m) gehete(n) van rode/ Dand(er) stuc [houden(de) een zille] es gelege(n) tusscen de goede der selver kijnde(re)n van/ ee(re)nboudege(m) en(de) henrix de ruyte(re) In welke(n) dage(n) genoempt/ en(de) uutgedaeght worden yde wedewe jans wilen van ee(re)nbou/ degem gehete(n) van rode ja willem en(de) jan van ee(re)nboudege(m)/ gehete(n) van rode ho gebruede(re) hoir zoenen met allen den/ / ande(re)n p(er)sone(n) die hen rechts tot den voirs(creven) goede(n) v(er)mete(n)de/ wae(re)n dieme(n) dat nae den rechte bynne(n) der yerster ghe/ nechten cond en(de) te weten dede Tugende voirt de voirscr(even)/ laten van ijntbroec dat sij tvierde genechte van gracien/ uutsijnde met der saken der welk(er) sij nae manisse smeyers/ voirs(creven) niet wijs en wae(re)n toghen aen de he(re)n de scepen(en) van/ loven(e) als aen hoir hoot om van hen dair af een vo(n)nis/ te hebben Die hen gave(n) voir een vo(n)nisse alle de ghene/ die jonger sijn wae(re)n dan de voirs(creven) roelof vranx en(de) dient/ van rechte was late(n) wete(n) hen uut den voirs(creven) goeden/ en(de) den voirs(creven) roelove dair in dwelc de voirs(creven) late aldus/ ov(er)bracht en(de) voir scepen(en) van loven(e) getuyght hebben Bidden(de)/ den selve(n) scepen(en) van loven(e) dat sij dit op hen voirt tuge(n)/ en(de) segele(n) willen dwelc doen joes abs(oloens) en(de) wout(er)/ wittema(n) scepen(en) van lov(en) gegeve(n) (et)c(etera) dec(embris) xiiii