Van jose van oedenbrugge(n) na(tur)lic sone jans/ wilen van oedenbrugghe(n) die na de(n) recht/ d(er) stat van loeven comen en(de) geleidt is tot de(n)/ goede(n) h(ere)n jans bau ridders/ Het sijn comen in recht voe(r) meye(r) ende scepen(en) van loeven/ inde banck aldaer de voirs(creven) joes en(de) heeft aengesproke(n) de/ goede tot ruysbroeck geleghe(n) gelijc h(er) henric wile(n) van/ coelhem ridde(r) die goede aldair te houden plach met alrehande/ redene(n) [en(de)] woerde(n) die hi daer toe dede segghe(n) Yerst dat/ de vors(creven) wilen h(er) henric die goede besat en(de) daer uut starf/ als uut sinen erve en(de) dat de vors(creven) h(er) jan getruwt hadde na/ staet d(er) heylig(er) kerke(n) des vors(creven) wilen h(ere)n henrics dochter en(de)/ dat jans moeder van hale(n) voe(r) hae(r) kijnsgedeelte van hae(re)n vad(er)/ en(de) moed(er) gehadt hadde xiiii[c] hollantsche gul(den) Dede oec voert/ segge(n) de selve joes dat de goede na des goets recht ald(aer)/ v(er)storve op de naeste levende en(de) dat jan wile(n) van coelhem/ lang(er) leefde dan jans moeder van halen aldus dan/ / q(ua)men de goede des vors(creven) jans van coelhem op h(ere)n henricke(n)/ wilen van coelhem sinen bruede(r) en(de) niet op des vors(creven) h(ere)n jans/ va(n) hale(n) moed(er) na dat si voe(r) den vors(creven) janne hae(re)n brued(er)/ doet was En(de) dede noch segge(n) de vors(creven) joes hoe dat de vors(creven)/ jan van halen geslete(n) wae(r) met ene(n) segghen(en) daer brieve af/ wae(re)n besegelt mett(er) stad zeghel van mechele(n) die inde(n) rechte/ ald(aer) gelesen worden En(de) alle dese punten gelijc die vors(creven) staen/ met noch veel meer ande(re)n punten hem tot sine(n) recht dienende/ thoende de voirs(creven) joes met levender waerheyt en(de) droeghen/ oec scepen(en) vande(n) hode hadt also geweest datme(n) dese/ sake(n) voe(r) hen bedingt hadde en(de) de brieve va(n) mechele(n) voe(r)/ hen comen ende gelesen wae(r) dat sij die brieve va(n) w(er)den/ soude(n) houde(n) gelijc oft die voe(r) hen geschiet wae(re)n geweest/ It(em) thoende oec de vors(creven) joes dat de vors(creven) jan van hale(n)/ voe(r) hen gekendt hadde dat hi de voirs(creven) xiiii[c] gul(den) voe(r)/ sijn kijnsgedeelte gehadt hadde It(em) bethoende hi oec/ dat sij nye have en aenverdde om claer te werden dat/ de vors(creven) jan van hale(n) eft sijn vader de vors(creven) xiiii[c] gul(den)/ voe(r) de have niet en hadde gelijc als hi te v(er)staen gaf/ Ite(m) jan van halen bethoende dat sij moeder lang(er) leefde dan/ de voirs(creven) jan van coelhem Oec bethoende hi dat si moed(er) was/ wittighe zust(er) des voirs(creven) wile(n) h(ere)n henrics van v coelhem en(de)/ dat hi wettech soen was zijnre moed(er) en(de) meynde daer om/ de vors(creven) jan van hale(n) dat hi deylinge hebbe(n) soude inde goede/ voirs(creven) ten wae(re) dat si gethoene(n) consten dat hi deylinge gehadt/ hadde dwelc hi al thoende met veel meer ande(re)n punte(n)/ die hi noch thoende en(de) die hi meynde dat hem tot sine(n) rechte/ diene(n) mochte(n) En(de) dit heeft steven le bewier valkene(r)/ die geleydt is tot de(n) goeden jans van halen vors(creven) uut/ macht van sine(n) voirs(creven) beleyde bedingt also dat na allen/ desen thoe(n)nisse(n) en(de) waerheyde(n) geleydt de meye(r) van/ / loeven maende de scepen(en) van loeven die wijsde(n) voe(r) een/ vonnisse na aensprake na v(er)antw(er)de(n) na thoe(n)nisse en(de) na al/ dats voe(r) hen comen was dat si de p(ar)tijen vande(n) vors(creven) goede(n)/ setten inde hoeve daer die hove(n) recht ald(aer) te nemen/ en(de) te gheve(n) cora(m) d(omi)no ludovico pynnoc milite will(el)mo/ lombart judoco absoloens waltero wittema(n) ar(nol)[do] vynck/ dyonisio boys et andrea de voshem scab(inis) lov(aniensibus) de/ cembris t(er)tia anno xiiii[c] xxxvii