It(em) cond sij allen lieden dat jan lauwereys dieme(n) heet coma(n) van meerhem wone(n)de te rode/ in jegewoirdicheit d(er) scepen(en) van loven(e) gestaen heeft genome(n)/ en(de) bekent dat hij genome(n) heeft van jonck(er) rogier van piet(er)she(m)/ hee(re) van weerde en(de) van leefdale de molene(n) van wesemael te/ wete(n) de core(n) molen en(de) de slachmolen met hae(re)n toebehoirten/ des selfs jonck(er) rogiers gelegen tot uuthem inde p(ro)chie van/ wesemael op te wynghe aldair Te houden en(de) te hebben van/sent jans misse baptisten naestcome(n)de ene(n) t(er)mijn kersmis/ dat ov(er)morgen sijn sal ene(n) t(er)mijn van derdalve(n) jae(r) langc deen/ nae dander sond(er) middel volgende elx jairs dae(re)n bynne(n) om/ dertich mudde rogs goet en(de) payabel alsulke(n) rogghe als/ de voirs(creven) moele(n) wynne(n) sal der mate(n) van loven(e) alle jae(re) den/ voirs(creven) t(er)mijn due(re)nde half te sent jans misse en(de) half te/ kersmisse te betale(n) en(de) inde voirs(creven) moele(n) te leve(re)n oft te/ loven(e) dairt den voirs(creven) ja(n)ne best gelieve(n) sal te leve(re)n en(de)/ telke(n) t(er)mine als v(er)volghde schout Ende es vorwarde wart/ also dat de voirs(creven) jonck(er) rogier bynne(n) den voirs(creven) t(er)mine e(n)nighe/ scade lede oft hadde aende steene oft aende molene(n) die/ toequame bij ocsuyn en(de) toedoen des voirs(creven) jans dat de/ selve jan dien den vors(creven) jonck(er) rogier oprichte(n) en(de) betale(n)/ sal tex taxacien van goede(n) ma(n)nen die hen des verstaen/ Op also dat de voirs(creven) jonck(er) rogier de voirs(creven) moelene(n) wel en(de) loflic/ houde(n) sal van wande en(de) van dake en(de) van alle(n) gaende en(de) ke(re)nde/ / werck ende oec van steenen also dat den voirs(creven) ja(n)ne dair/ af gheen scade en come sonder argelist Hier af es borge/ des voirs(creven) jans als p(ri)ncipael sculder ongesund(er)t jan van/ rode sijn zwag(er) p(ri)mus boys voshem dec(embris) xxiii