It(em) want henrick ketelbais die geleidt es tot allen den haefliken/ goeden willems van boekenrode hadde doen inscriven en(de) dach/ bescheiden metten brieven d(er) stad van loven op ten dach van heden/ henricken thijs gheraerde de mesmake(re) en(de) aernde de molde(re) van/ molle voir lx clinckarde die de vors(creven) henr(ic) ketelbais meynde/ dat de vors(creven) p(er)sone den vors(creven) willem(me) van mondcosten sculd(ich)/ wae(re)n en(de) die hem mids machte van zinen beleide toebehoirden/ Daer de vors(creven) henr(ic) ketelbais zelve niet en quam den vors(creven)/ drien p(er)sonen hen p(rese)nterende inden rechte en(de) hoiren dach/ verwachtende so hevet tvo(n)nis der scepen(en) van loeven gewijst/ soe waer de vors(creven) henr(ic) ketelbais den vors(creven) p(er)sonen niet/ aen en sprake ten opstaene vanden meye(r) en(de) der scepen(en) van/ loven dat dan de vors(creven) drie p(er)sone ongehouden [zouden] zijn van/ alzulker schoud als daerse de vors(creven) henr(ic) ketelbais hadde doen/ inscriven (et)c(etera) cor(am) pynnock abs(oloens) witt(e)[ma(n)] vynck boys voshe(m)/ febr(uarii) vi