It(em) want jan en(de) willem vanden paine gebruede(re)n inden rechte/ voe(r) meye(r) en(de) scepen(en) van loven aengesproken hebben janne goly/ den jongen als dat de zelve jan van live t(er) doot bracht zoude/ hebben gheerde vanden paine zeggen(de) de vors(creven) gebruede(re)n en(de)/ dat de vors(creven) jan goly daeraen gebroect zoude hebben zijn/ lijf en(de) zijn goed oft zeke(r) wege en(de) bedev(ar)de met ande(re)n bet(er)nisse(n)/ gelijck de vors(creven) gebruede(re)n die in hoiren aenspraken ruerden/ En(de) dan uut desen openbaerlic blijct dat de zelve gebruede(re)n in/ heu(r)er aenspraken dlijf des vors(creven) jans goly niet en heisschen noch/ en beghe(re)n en(de) daerna de vriende des vors(creven) jans goly comen zijn/ biden rade d(er) stad van loven uut den reden(en) vors(creven) v(er)zuecken(de) dat zij/ den vors(creven) ja(n)ne goly v(er)borgen mochten en(de) desen na te comen heeft/ de raed vand(er) stad get(er)mineert dat de vors(creven) jan goly jegen de/ p(ar)tien vandes vors(creven) es v(er)borgen zal mogen Daerom eest dat/ comen zijn voe(r) scepen(en) van loven jan goly vad(er) des vors(creven) jans/ goly aernd van ve(re)noeden cup(er) goerd boudens van thielt/ / en(de) claes pat(er)nost(er) en(de) hebben geloeft en(de) zijn borge bleven/ voe(r) den vors(creven) janne goly den jongen om van des vors(creven) es/ te rechte te bringhen en(de) te voldoen tghene des de/ scepen(en) van loven hieraf wijsen zelen op dat de vors(creven)/ jan goly de jonge des niet en dade en(de) jan goly de vad(er)/ heeft geloeft de vors(creven) zijn borghen scadeloes tontheffen/ cor(am) lomb(ar)t wittema(n) febr(uarii) vii