Van woute(re)n eveloghe die geleydt is tot de(n) goede(n)/ boudens wilen willems/ Tvonnisse tusschen den voirs(creven) woute(re)n eveloghe in deen side en(de) h(ere)n henricke(n)/ nuweroeds p(ri)este(r) zegelijn umans en(de) henr(icken) vissche(re) zwage(re)n des vors(creven) h(ere)n/ henrics in dande(re) als dat de selve drie p(er)sone afgedaen beg(er)de(n) te hebbe(n)/ ii gulde(n) crone(n) erflik(er) renten die te quijten stonden op een huys en(de) hof/ met sijnre toebehoirte(n) gelege(n) tarscot die de vors(creven) zeghelijn nu houdende/ es Welke ii crone(n) erflik(er) rente(n) henric nuweroeds op de vors(creven) goede hou/ dende is en(de) dat bi redene(n) want de vors(creven) wilen bouden willems en(de)/ wile(n) yde va(n) arscot sijn wijf de voirs(creven) ii crone(n) voe(r)maels geloeft hadde(n)/ af te doen gelijc si dat boden te thoene(n) met scepen(en) brieve(n) van arscot/ en(de) meynden d(aer) om de vors(creven) iii p(er)sone dat si de have die acht(er) de(n)/ vors(creven) wile(n) bouden en(de) sinen wive bleven wae(r) v(er)volge(n) souden bi/ meer reden(en) die sij d(aer) toe deden segge(n) En(de) d(aer) op de vors(creven) wouter/ hem v(er)antwerde meynende dat de vors(creven) have vand(er) vors(creven) geluften/ ongehoude(n) zijn soude mer dat hem die en(de) sine(n) beleyde volge(n) soude/ oec met alrehande reden(en) die hi d(aer) toe dede segghen es dat de/ voirs(creven) have de(n) voirs(creven) woute(re)n en(de) sine(n) beleyde volge(n) sal cor(am)/ pynnoc lomb(ar)t abs(oloens) wittema(n) vynck boys (et) voshem/ februarii octava