It(em) want jannes vanden hove voe(r) scepen(en) va(n) loeve(n) ov(er)gegeve(n) heeft/ clase van stakenbroch ene(n) scepen(en) brief va(n) loeve(n) sprekende op/ pete(re)n van nethene(n) de(n) jonghen janne beys janne de velkene(re)/sine(n) soen en(de) janne valkene(re) sine(n) soen janne vande(n) hove en(de)/ janne van laethem van iiii mudde(n) rogs lovensch(er) mate(n) lijfpe(n)sie(n)/ ten live joffr(ouwe) m(ar)griete(n) der wijf des vors(creven) jannes vanden hove/ Daer om eest dat de vors(creven) claes va(n) stakenborch geloeft en(de)/ toegeseeght heeft voe(r) scepene(n) van loeven dat hi mette(n) vors(creven)/ scepen(en) brieve niet meer v(er)volghe(n) en sal dan xl rijders/ die hi de(n) vors(creven) jannes vande(n) hove vande(n) vors(creven) iiii mudde/ rogs betaelt heeft en(de) dat alleen op de(n) vors(creven) pete(re)n van/ nethene(n) de(n) jonghe(n) en(de) d en(de) nyemant anders en(de) te wat/ / tide de vors(creven) claes de vors(creven) xl rijders op de(n) vors(creven)/ pete(re)n va(n) nethene(n) mette(n) vors(creven) scepen(en) brieve ingehaelt/ sal hebbe(n) of daer af vande(n) vors(creven) pete(re)n v(er)nueght [te vreden] es/ so sal dan t(er) stont ter mae(n)nissen des vors(creven) jannes/ vande(n) hove de vors(creven) claes de(n) vors(creven) scepen(en) brief/ voe(r) scepen(en) va(n) loeven yemande die de(n) vors(creven) jannes sa/ genueght ov(er)geven sal bi also dat die de(n) vors(creven) scepen(en)/ brief also ov(er)hebbe(n) sal op de(n) vors(creven) janne vande(n) hove/ arnts soen dan niet werken noch recht vorde(re)n en sal/ cor(am) lombart absoloens februarii xxi