It(em) cond sij allen lieden dat ghee gheert bastarts van breyeshe(m)/ es come(n) in jeg(enwordicheit) d(er) scepen(en) van loven(e) en(de) heeft genome(n) en(de) bekent/ dat hij genome(n) heeft van ja(n)ne kyve(re) soen den jonghen alle de/ wynne(n)de lande die de voirs(creven) jan te breyeshe(m) houden(de) es Te houde(n)/ te hebbe(n) en(de) te wynne(n) van sente mychiels misse lestlede(n) ene(n)/ t(er)mijn van achthien jae(re)n langc deen nae dand(er) [d(aer)] nae sonder/ middel volgen(de) elx jaers dae(re)n bynne(n) voir twelf zacke harts/ corens pacht van bre en(de) half tarwe en(de) half rogge en(de) om twee/ sacke tarwen elx goet en(de) payabel met wa(n)ne en(de) vloegele(n) wel/ bereit der mathe(n) van thiene(n) sesse halst(er) d(er) selv(er) mate(n) voir elke(n)/ sack gerekent te sente andries misse apostels te betale(n) en(de)/ te loven(e) te leve(re)n jairlix den voirs(creven) t(er)mijn due(re)nde en(de) telke(n) t(er)mine/ als vervolghde schout It(em) sal de voirs(creven) wyn den voirs(creven) ja(n)ne jairlix/ noch te loven(e) leve(re)n te sente andries misse twee halster/ erwete(n) een halster raepsaets en(de) iii hoep stroes It(em) sal de/ voirs(creven) wynne noch betale(n) jairlix den voirs(creven) t(er)mijn due(re)nde betale(n)/ d(er) kerke(n) van breyeshe(m) ene(n) halve(n) sacke coe(re)ns en(de) den abdt van/ ynden oie oec twee halst(er) coe(re)ns sond(er) afslage vand(er) voirs(creven) so(m)men/ It(em) sal de voirs(creven) wynne de voirs(creven) lande wynne(n) en(de) werve(n) wel en(de)/ loflic en(de) die telke(n) neghen jae(re)n tweewerf ov(er)mesten It(em)/ sal de voirs(creven) wynne de voirs(creven) lande opte leste drie jair elken aert/ vande(n) wijntercoe(re)n ov(er)mesten en(de) hij sal vande(n) voirs(creven) lande laten/ besaeit met wijnt(er) coerne vijf dachmael xxv roede(n) myn op/ sijn leste jaer It(em) wairt also dat de voirs(creven) wynne e(n)nige(n) lande/ bynne(n) sine(n) t(er)mijn hoirvruchte soe es vorw(er)de dat hijse dair voe(r)/ mesten sal Ende es noch vorw(er)de dat de b wairt also dat/ de voirs(creven) wynne bynne(n) den voirs(creven) t(er)mine aflivich worde soe es/

vorw(er)de dat dan de voirs(creven) jan sijn hande sal moege(n) wed(er) slaen/ aen sijn voirs(creven) goede en(de) sijn p(ro)fijt d(aer)mede doen pynnoc abs(oloens)/ m(ar)tii x