Van bartelmeeuse van gheele/ Het zijn comen in recht voer meye(r) en(de) scepen(en) van loeven inde banck/ aldair lodewijck vand(er) biest die na den rechte d(er) stat van loeve(n) come(n)/ en(de) geleidt es tot den haefliken goeden bartelmeeus van gheele/ in deen zijde en(de) bijn van kessele in dande(re) daer ond(er) aensprake/ en(de) antwerde tuschen de voirs(creven) p(ar)tien na wijsdom d(er) scepen(en) van/ loeven openbairlic bethoent wart biden voirs(creven) lodewijcken vand(er)/ biest dat claes van kessele voermaels doen hij lijsbetten wilen/ sijnre dochter behuwen en(de) bestaden soude aen den voirs(creven) bartel/ meeuse den selve(n) bartelmeeuse met d(er) voirs(creven) wilen lijsbetten/ geloefde in huweliker vorwerden vijf mudde rogs jairlix [en(de) d(aer)af vestich(eit) te doen bynnen ene(n) jaere en(de) dats nu vier jaer leden wae(r) oft meer] en(de)/ dat hij der selv(er) lijsbetten sijnre dochter uutsetten soude in rode/ scaerlaken gelijc met ande(re)n sijne(n) toebehoerten gelijc d(aer)toe behoert/ Dragen(de) voert de voirs(creven) getuygen dat de voirs(creven) bijn d(aer) voer/ borge bleef Also desen thoenise aldus geschiet sijnde hebben/ de scepen(en) van loeven bi manissen des meyers van loeven/ gewijst voe(r) een vo(n)nisse dat de voirs(creven) bijn den voirs(creven) lodewijcke(n)/ vand(er) biest uut machte van sijne(n) voirs(creven) beleide de voirs(creven) huwelike/ vorwerde voldoen sal gelijc als de waerheit gedragen heeft/ cor(am) pynnoc lomb(ar)t abs(oloens) wittema(n) vynck voshem m(ar)tii viii