Cond sij allen liede(n) dat jan bastijns van winczele es/ come(n) in jegenwordicheit d(er) scepen(en) van loeve(n) en(de) heeft genome(n)/ en(de) bekendt dat hi ghenome(n) heeft va(n) mychiele(n) de coker/ van vilvorde(n) thof des selfs mychiels gehete(n) te(n) bakenbosch/ gelege(n) inde p(ro)chie van ov(er)yssche mette(n) huyse(n) hove(n) wynne(n)de(n)/ lande(n) beemde(n) eeusele(n) en(de) met alle(n) sine(n) toebehoirte(n) [uutgenome(n) de ned(er)came(r) neve(n) de coke(n) en(de) de camer d(aer) bove(n) mette(n) solde(r) daer in de vors(creven) wyn niet rechts hebbe(n) en sal] Te/ houde(n) te hebbe(n) en(de) te wynne(n) van half merte naist comende/ / ene(n) t(er)mijn van xii jae(re)n lanc deen na dand(er) d(aer) na sond(er) myddel/ volgende elcs jaers hie(re)n bynnen om de helecht vande(n) vruchte(n)/[die] opte voirs(creven) goede wassen selen En(de) toexst als die tijtvertich sijn so/ sal de vors(creven) wyn dyerste voeder de(n) vors(creven) mychiele(n) invue(re)n en(de) hem/ dande(re) en(de) so voert van al v(er)volgende en(de) sal de vors(creven) [wyn] hebbe(n) voe(r) uut/ dbloexken liggende bide(n) bogart ald(aer) sond(er) mychiele(n) vors(creven) yet rechts d(aer)in/ hie(re)n bynne(n) te behoude(n) Ite(m) sal de vors(creven) wyn jaerlex hie(re)n bynne(n) hebbe(n)/ de weyde maybeemde en(de) alle doeft dat ald(aer) wassen sal en(de) oec/ bernhout ter mi(n)ster scaden daerment hem wijsen [sal] elcs jaers hie(re)n/ bynne(n) om sesse blaeu crone(n) te wete(n) xl pl(a)c(ken) payme(n)ts voe(r) elke(n) blaeu/ croen voirs(creven) gerekent tsente mertens misse inde(n) wynt(er) te betale(n) en(de) telken/ t(er)mijn alse v(er)volghde schout It(em) sal de vors(creven) wyn int vors(creven) hof jaerlex/ hie(re)n bynne(n) leve(re)n twintich mandele(n) walms goede en(de) cusbaer om de/ huysinghe ald(aer) mede te decke(n) en(de) alsme(n) die ald(aer) v(er)dect oft plect d(aer) af sal/ de vors(creven) mychiel de dachhue(re)n betale(n) en(de) de vors(creven) [wyn] sal de(n) wercliede(n) den/ montcost [geven] En(de) waert also dat bynne(n) de(n) [vors(creven)] hove e(n)nige wande gebroken/ worden vande(n) und(er)ster rikele(n) ned(er)w(er)t die sal de vors(creven) wyn weder/ doen make(n) sond(er) des vors(creven) mychiels cost En(de) so wanneer de vors(creven) mychiel/ sijn core(n) ald(aer) sal doen dersschen so sal de vors(creven) wyn den dersscher/ ligghe(n) en(de) sitte(n) en(de) den montcost gheven en(de) de vors(creven) w mychiel sal/ hem den de dachhue(re)n betale(n) En(de) tcoren des selfs mychiels sal de/ vors(creven) wyn de(n) selve(n) mychiel tov(er)yssche tot tserpelsb(er)ghe oft tot/ halaer daert de(n) vors(creven) mychiele(n) best gelieve(n) sal vue(re)n en(de) leve(re)n/ sond(er) cost des vors(creven) mychiels It(em) sal de vors(creven) wyn den vors(creven) mychiele(n)/ jaerlex hie(re)n bynne(n) vue(re)n en(de) leve(re)n op sine(n) cost xl wissen houts/ vanden bossche en(de) houte ald(aer) des selfs mychiels of de selve wyn/ sal de(n) selve(n) mychiele(n) voe(r) elke wisse houts betale(n) en(de) gheve(n) twee/ placke(n) dwelc hi liefste heeft It(em) sal de vors(creven) wyn de(n) vors(creven) mychiele(n)/ de(n) vors(creven) t(er)mijn duerende alle jae(re) doen een corweyde tot loeven/ tot bruessel oft tot vilvorde(n) daer de selve mychiel bege(re)n [gelieven] sal It(em)/ sal de vors(creven) [wyn] de(n) vors(creven) mychiele(n) jaerlex hie(re)n bynne(n) houden en(de) vuede(n)/ sond(er) vet make(n) twee verkene en(de) een ledich rent gelijc de(n) sijnen/ It(em) sal de voirs(creven) wyn int vors(creven) hof jaerlex hie(re)n bynne(n) houden vijftich/ scape en(de) of hij dier min hielde daer voe(r) sal hi de(n) vors(creven) mychiele(n)/[betale(n)] te wete(n) voe(r) elc scape dat hi min hielde iii placke(n) payments/ / It(em) waert also dat de vors(creven) wyn mychiel in sijn schue(r) aldaer min corens/ vonde dan hi ingedaen hadde daer af sal hem de vors(creven) wyn van sine(n)/ coren verguetschinghe doen also dat behoeren sal It(em) sal de vors(creven) wyn/ de beemde ald(aer) toebehoe(re)nde de(n) hove voirscr(even) jaerlex hie(re)n bynne(n) slippen/ en(de) grachte(n) te(n) meeste(n) p(ro)fijte vanden beemde(n) vors(creven) en(de) de bremen en(de) dornen/ uut de(n) vors(creven) lande en(de) bog(ar)de(n) roden en(de) ruymen en(de) die [d(aer)] af reyn houden/ de(n) vors(creven) t(er)mijn duerende It(em) sal de vors(creven) wyn de vors(creven) goede jaerlex/ hie(re)n bynne(n) wel en(de) loflic wynne(n) en(de) w(er)ven gelijc sine(n) reengenote(n) bove(n)/ en(de) benede(n) en(de) die laten ten leste(n) jae(r) vanden voirs(creven) t(er)mijne inde(n) manie(re)n/ hier na bescreve(n) Te wete(n) tgroetblock en(de) tsaelberch met wynt(er)core(n)/ besayt op vier getidege(n) voren de storte eens omgedaen en(de) de/ brake oec eens o(m)megedaen en(de) [opt leste jae(r)] te half merte sal hi dmest uuter/ messien ald(aer) opt voirs(creven) lant gevuert hebbe(n) slants meeste(n) p(ro)fijt [En(de) is noch vorw(er)de dat de vors(creven) mychiel en(de) de wyn scheyde(n) mogen ten halve(n) tide vande(n) vors(creven) t(er)mijn en(de) die also scheyde(n) wilt die salt de(n) ande(re)n een half jae(r) te voe(re)n segge(n) en(de) late(n) wete(n)] En(de)/ alle dese vorwe(er)de(n) punte(n) en(de) condicie(n) voe(r)scr(even) heeft geloeft de vors(creven)/ wyn de(n) vors(creven) mychiele(n) wel en(de) loflic te houden en(de) te voldoen in alle/ d(er) voege(n) en(de) manie(re)n gelijc voerscr(even) steet en(de) telke(n) t(er)mijn alse v(er)volghde/ schout En(de) hier af sijn [es] borge(n) des vors(creven) wynne(n) als p(ri)n(cipa)[le] sculde(r)re/

ongesundert en(de) ongescheide(n) symoen van breedzijp den welke(n)/ de vors(creven) wyn heeft geloeft hier [af] scadeloes [te houde(n) en(de)] tontheffen lomb(ar)t/ vynck martii octava