Van henricke(n) stessens va(n) gheele/ It(em) want henric vander sluysen die voe(r) meye(r) en(de) scepen(en) van/ loeve(n) gegoedt en(de) gheerft is inde goede jans vand(er) sluysen/ zijns brueders opte(n) dach van heden tot loeven inheeft doen scriven/ henricke(n) stessens en(de) gheerde vand(er) sluysen die om gebrecs wille van/ ene(n) mudde corens erflic seke(r) vervolgh van rechte dede(n) op hae(r) erfpande/ tot gheele gelege(n) om dat zij d(aer) af tot loeve(n) int recht come(n) souden/ en(de) de vors(creven) henric vand(er) sluysen ald(aer) niet comen en is den vors(creven) henricke(n)/ stessens en(de) gheerde vand(er) sluysen hen inden rechte voe(r) meye(r) en(de) scepen(en)/ va(n) loeven p(rese)nte(re)nde en(de) de(n) selve(n) henricke(n) vand(er) sluysen voert eysschende/ Daer om eest dat de meye(r) van loeve(n) maende de scepen(en) va(n) loeven/ die wijsde(n) voe(r) een vonnisse so wai(r) de vors(creven) henric vand(er) sluysen/ niet en q(ua)me ten opstae(n) vande(n) meye(r) en(de) scepen(en) vors(creven) dat dan de/ vors(creven) henric stessens en(de) gheert vand(er) sluyse(n) hae(r) recht voert vorde(re)n/ moge(n) inden hof d(aer) si dat begonne(n) hebbe(n) want de sake(n) va(n) erfpachte/ rue(re)nde comen cor(am) py(n)noc lomb(ar)t absoloens wit(te)[ma(n)] vynck boys voshem/ martii xviii