SAL7731, Akte: R°336.1 (342 van 430)
Akte R°336.1
Act
Datum: 1438-04-02
Transcriptie
2021-07-13 door Karel EmbrechtsVan woute(re)n van kareloe/
Het es waer dat henrick snoeck wonechtich tot vredebosch en(de) mathijs ghijs/
anderwile met meye(r) en(de) scepen(en) van loven(e) nae den rechte der stat van loven(e)/
come(n) en(de) geleit sijn tot allen den goeden have en(de) erve jans snoeck soen jans/
wilen snoeck van leefdale ende dair nae de voirs(creven) jan snoeck hem gheerne/
met e(n)nich van sine(n) voirs(creven) goede(n) beholpe(n) soude hebben dair in de voirs(creven)/
henric snoeck hem weygherde consent te dragen dat de voirs(creven) jan/
snoeck sijn goede verande(re)n of vercope(n) soude Also dat doen de scepen(en)/
brieve van loven(e) dair mede de voirs(creven) henr(ic) snoeck en(de) mathijs ghijs/
geleit wae(re)n ond(er) de scepen(en) van leefdale geleeght wae(re)n te dien eynde/
datme(n) dair mede niet werken noch gheen recht vorde(re)n en soude/
ten wae(re) dat de gheen die de goede des voirs(creven) jan snoex dair v cochte(n)/
dair uut behoirlike vesticheit hadden ende uut betruwen van desen/
veele en(de) me(n)nig(er)hande p(er)sone vande(n) goede(n) des voirs(creven) jans snoex gecoght/
hebben sond(er) uut den beleide voirscr(even) e(n)nige vesticheit te hebben dwelck/
aldus bijde(n) raide vand(er) stat bij goeder conde(n) en(de) wairheit come(n) es Dair/
om eest dat de raet vand(er) stat van loven(e) get(er)mineert heeft voir reden/
en(de) recht dat den beleitbrief en(de) den scoutbrief des voirs(creven) jans snoex/
blive(n) selen ond(er) de stat van loven(e) sond(er) in e(n)nige(n) tijden toecome(n)de dair/
mede gewracht te worden tegen e(n)nige vande(n) goedingen die gedaen/
sijn vande(n) goede(n) des voirs(creven) jans snoex ten wae(re) dat elc vanden/
partien die van dien goeden gecocht hadde hoir behoefte vande(n)/
goede(n) die sij gecocht hadden uut den voirs(creven) brieve(n) nae den rechte/
der stat van loven(e) hadden in pleno (con)silio aprilis s(ecund)[a]
Nagekeken door: kristiaan magnus
Moderator: kristiaan magnus
Laatste update:: 2015-08-24 door Agata Dierick