Het sij comen in recht voe(r) meye(r) en(de) scepen(en) van loeve(n) inde banc aldaer/ machtelt weduwe jans wilen vande(n) p(er)re van rikevorssel en(de) jan hae(r)/ sone in deen side en(de) claes vand(er) voert die voe(r) meye(r) en(de) scepen(en)/ va(n) loeven gegoedt en(de) gheerft is in twee mudde rogge(n) der/ mate(n) van he(re)nthals erflex pachts henrics van duffle sone oliviers/ wilen van duffle die de selve henric houdende was op ene(n) beemdt/ gehete(n) dabroeck jans ghierlemans gelege(n) inde p(ro)chie va(n) ghierle/ ond(er) woute(ere)n van vriessele met ande(re)n toepande(n) daer toe horende/ in dande(re) Daer de voirs(creven) machtelt/en(de) jan hae(r) zone een aensprake/ dede(n) tot de(n) vors(creven) clase vand(er) voert seggende dat sij aende vors(creven)/ ii mudd(en) rogs hae(r) naerd(er)scap hebbe(n) soude(n) en(de) sculdech wae(re)n te hebben/ bij veel redene(n) die sij daer toe cleedde(n) en(de) deden seggen dair af si hen/ thoe(n)nisse en(de) waerheide(n) v(er)maten Dair op hen de vors(creven) claes vand(er)/ voert v(er)antwerde bi vele en(de) notablen redene(n) vanden welken hi oec/ thoe(n)isse en(de) waerheyde(n) bileyde Tot welker waerheyt en(de) thoe(n)isse/ de vors(creven) p(ar)tijen bi mae(n)nissen smeyers in beyden siden gewijst worden/ daer toe sij dach namen en(de) den dach daer toe genomen comende/ hebbe(n) de vors(creven) machtelt en(de) jan hae(r) zone gethoent d met vijnders/ twee goeden ma(n)nen dat hen wel kenlic was dat een gielijs vand(er)/ loe een wisselinghe dede jegen ghijsbrechte van molenberghe van ene(n)/ beemde die hi de(n) vors(creven) ghijsbrechte ov(er)gaf voe(r) twee mudde rogs erfs/ pachts die de selve gielijs daer voe(r) wed(er) hadde en(de) dat de(n) vors(creven)/ ghijsbrechte toe geloeft wae(re)n xx mottoene Voert droeghen dede(n)/ de vors(creven) machtelt en(de) jan manen drie late(n) oft hen niet kenlic en/ wae(r) alsmen aldair goet om goet mangelde en(de) gelt toegave en(de) de/ goede hae(r) kercgebode niet en hadde(n) of aen die goede gheen naerd(er)scap/ en wae(r) Dair af een vanden outsten vanden laten voe(r) droegh dat/ hi niet en wist of de vors(creven) goede hae(r) kercgebode hadde(n) of niet en hadde(n)/ Voert droegh hi als in dien hof hof goede om pe(n)ninghe v(er)cocht wae(re)n en(de)/ die hae(r) kercgebode niet en hadde(n) dat de maeghgelinghen altijt hae(r)/ naerd(er)scap hebbe(n) souden Oec droegh hi so wa(n)neer erve om erve ghe/ manghelt worde daermen ghelt toegave dat [hi] niet en wist dat/ daer naerd(er)scap aen wesen soude of dat hem dat niet voe(r) en stonde/ / Item droeghen dande(r) ii late die vele jongher wae(re)n dat sij/ van hae(re)n ouders gehoert hadde(n) so wanneer men erve om erve/ manghelde daermen ghelt toegave da en(de) negheen kercgebode en/ hadde dat aen die goede naerd(er)scap wesen soude en(de) dat hen niet/ kenlic en wae(r) dat de voirs(creven) goede hae(r) kercgebode gehadt hadde(n)/ Voert droege(n) noch twee goede ma(n)ne dat hen wel kenlic wae(r) dat/ de vors(creven) machtelt den voirs(creven) ghijbrechte van molenb(er)ghe naerder/ wae(r) van wittige(n) bedde en(de) vand(er) siden daer de vors(creven) goede af/ come(n) wae(r) dan de vors(creven) gielijs vand(er) loe olivier van duffle of/ joffr(ouwe) aleyt van duffle of de vors(creven) henric van duffle hae(r) sone/ Voert dede(n) de vors(creven) machtelt en(de) jan hae(r) sone manen de laten of/ tghelt te wete(n) gout en(de) zilv(er) tot der naerd(er)scap in tijts en(de) in uren/ niet gesett en was die droeghen datter gout en(de) zilv(er) ond(er)/ hen geset was dies meer dan een jae(r) leden was mer of dat/ in tijts en(de) in uren gedaen was dat en wisten sij niet Noch droege(n)/ scepen(en) vand(er) buten banc van lyere die hoet sijn vande(n) laten en(de)/ have voirscr(even) dat so wanneer goede om p v(er)cocht wae(re)n die/ hae(r) gebode gehadt hadde(n) en(de) die gebode een jae(r) lanc lede(n) wae(re)n/ voe(r) den cope dat die hae(r) gebode wed(er) soude(n) moete(n) hebben of/ daer soude naerd(er)scap aen sijn Oec droeghen sijn datmen die gebode/ niet en soude moge(n) doen voe(r) late heymelic mer openbaerlic inder/ kerken met drien sondaeghs gebode teynden een [vacat]/ Hier na heeft gethoent de vors(crven) claes vander voert met ene(n) goede(n)/ man die op die tijt meyer was en(de) met twee laten dat hen wel/ kenlic wae(r) dat ghijsbrecht van molenb(er)ghen en(de) gielijs vand(er) loe/ voe(r) hen quamen seggende dat sij erve om erve ghemanghelt hadde(n)/ en(de) dat de vors(creven) ghijsbr(echt) daer om den vors(creven) gielise goedde en(de) hof/ recht dede vande(n) vors(creven) ii mudde(n) rogs erfs pachts en(de) dat ald(aer)/ van neghene(n) pe(n)ninghen v(er)maent en waert die e(n)nich vanden/ p(ar)tijen toegegeve(n) soude(n) hebbe(n) Oec droege(n) noch de vors(creven) meye(r) en(de)/ late dat daer na olivier van duffle en(de) de vors(creven) gielijs/ vand(er) loe oec erve om erve manghelde(n) en(de) dat doen daer/ na qua(m) joffr(ouwe) aleyt des vors(creven) oliviers wittighe gesellinne/ / met ene(n) vreemde(n) momboir ter beg(er)ten des selfs oliviers tot de(n) vors(creven)/ ii mudde(n) rogs Oec droege(n) sij dat de vors(creven) henric van duffle wettich/ soen was des vors(creven) oliviers en(de) joffr(ouwe) aleite(n) en(de) de naiste levende vanden/ voirs(creven) ii mudde(n) rogs Voert droege(n) si noch dat tgheen des vorscr(even) es/ vande(n) voirs(creven) twee goedinghen meer dan ov(er) xii jae(r) geschiet wae(r) It(em)/ droege(n) noch ii ande(r) goede ma(n)ne dat sijnt de(n) goedinge(n) voirscr(even) de vors(creven)/ gielijs vand(er) loe voe(r) en(de) de voirs(creven) henric en(de) sine vorde(re)n na den vors(creven) pacht/ ye sint gehaven hebbe(n) Ite(m) droeghen noch de late vande(n) hove en(de) drie/ scepen(en) vand(er) buyte(n) banc van lyere die hoet sijn vande(n) selve(n) hoe dat/ jan ghierleman brued(er) d(er) vors(creven) machtelde(n) in tiden voirlede(n) vande(n) vors(creven)/ erfpacht sijn naerd(er)scap geboden hadde also dat de vors(creven) p(ar)tijen daer om/ dinghende worden en(de) dat de saken doe alsoe v(er)re met recht v(er)handelt worde(n)/ dat de late die saken droege(n) voe(r) hae(r) hoet de scepen(en) vand(er) bute(n) banc/ van lyere die hen gaven voe(r) een vonnisse dat de vors(creven) jan ghier/ leman vellich wesen zoude vand(er) naerd(er)scap vors(creven) Ite(m) droegen noch vier/ scepenen vand(er) buten banc van lyere dat so wanneer e(n)nigen van/ hae(re)n bancke(n) dier wael wae(r) tussche(n) lxxii en(de) lxxiii aen hen quamen/ om een hoetvo(n)nisse dat si hen dan vraeghden of si vo(n)nisse hebbe(n) woude(n)/ na haerre banc recht en(de) waer si antwerden ya dat si hen dan na/ haerre banc recht een vonnisse gaven en(de) of sij quade costume(n) hadde(n)/ die leyden si neder Ite(m) droegen noch de vors(creven) iiii scepen(en) vand(er) bute(n) banc/ van lyere dat haerre banc recht wae(r) so wanneer men erve om/ erve manghelde dat daer gheen naerd(er)scap aen en wae(r) en(de) want/ aen die goede gheen naerd(er)scap en wae(r) so [en] wae(r) van neghene(n) node/ e(n)nighe gebode daer af te doen en(de) worden si daer op gemaent/ vande(n) ghene(n) diese sculdech wae(r) te manen sij souden dat wijsen voe(r)/ een recht en(de) hae(re)n ond(er)bancke(n) gheven voe(r) een hoetvonnisse En(de)/ na allen desen bethoen maende de meye(r) van loeven de scepen(en) van/ loeven die wijsden voe(r) een vonnisse na aensprake na v(er)antw(er)den/ en(de) na thoe(n)nisse en(de) na al dats voe(r) scepen(en) van loeven comen was/ dat alsulke(n) aensprake als de vors(creven) machtelt en(de) jan hae(r) sone gedaen/ hadden dat die de(n) vors(creven) clase vand(er) voert noch sijnre goedinghen/ gheen ontstade doen en sal cor(am) oppendorp absoloen lynden/ boen junii p(ri)ma