Van janne en(de) willem(me) de rave/ gebruede(re)n willems soen was/ Het sijn come(n) inden rechte inde banck voir meyer en(de) scepen(en) van loven(en) jan/ ende willem de rave gebruede(re) soene willems wilen rave in deen zijde en(de)/ jan van stalle die nae den rechte der stat van loven(en) beleit es tot den/ goeden gielijs vande(n) hogenhuys claes pasteel goerds van meerbeke/ gehete(n) vande(n) broeke jans van meerbeke sijns soens jans vand(er) borch/ gehete(n) int scaecbert willems hofma(n) en(de) berthelmeeus vand(er) haghen/ in dande(r) zijde vande(n) goeden hier nae bescreve(n) onder de banck van/ le(n)neke en(de) onder den hoetvonnisse der scep(en)en van nyvele gelege(n) Inden/ yersten van ii(½) dachmael lands gelegen opte(n) couther bove(n) zibbeke tussce(n)/ de goede jans speeckarts en(de) de goede cornelijs vande(n) grave It(em) van/ vii dachmalen lands gelege(n) op tgroet nedervelt tusscen de goede giel(ijs)/ van cothem en(de) de goede h(er) zeghers vande(n) heetvelde It(em) van i(½) dach(mael)/ lands gelege(n) opt selve velt naest den goeden gielijs pauwels Item/ van ene(n) halven boender lands gelegen opt selve velt neve(n) de goede/ jans vander borch It(em) van ene(n) halven boender lands gelegen opt selve/ velt neve(n) de goede des voirs(creven) h(er) zegers vande(n) heetvelde It(em) van/ iii dach(mael) lands gelege(n) opt cleyn nedervelt neve(n) de goede des/ selfs h(e)r(e)n zeghers It(em) van ii vyvers gelegen dair bij tusscen de/ strate aldair en(de) tvoirs(creven) cleyn nedervelt It(em) van ene(n) boender lands/ gelegen opt doirnevelt ter gheeselhaghen neve(n) de goede jans/ speeckarts It(em) van i(½) dach(mael) lands gelegen opt selve velt neve(n) de/ goede h(er) zeghers vanden heetvelde voirs(creven) Item van ene(n) dach(mael) lands/ gelegen opt selve velt neve(n) de goede reyners moers It(em) van/ ene(n) dach(mael) lands gelege(n) opt voirs(creven) velt opt rot aldair bijden goede(n)/ peters van droegenbroec It(em) van ene(n) dach(mael) lands gelege(n) op tselve/ velt in twee stucke(n) neve(n) de goede willem goessens It(em) van ene(n)/ halve(n) dach(mael) lands gelegen opt selve velt neve(n) de goede die/ wae(re)n goessens vorsters It(em) van ene(n) halve(n) dach(mael) lands boender/ lands gelege(n) opt selve velt neve(n) den vyve(r) peters van droegen/ broeck It(em) van ene(n) dach(mael) lands gelege(n) opt selve velt neve(n) de goede/ h(er) zeghers vanden heetvelde Daer de voirs(creven) jan en(de) willem de rave/ gebruede(re) een aensprake deden tot den voirs(creven) goede(n) seggende dat de/ voirs(creven) goede besat een jan wilen de rave die nae staet der heylig(er)/ kerken getruwt hadde ene(n) een vrouwen p(er)soen Dair hij een wittige
//
dochter af hadde gehete(n) joffr(ouw) katline srave(n) no(n)ne des goesd / goidshuys van sent jans te bruessel Seggende voirt dat de/ voirs(creven) goede nae der banck recht dair onder die gelege(n) sijn/ en(de) nae shoets recht te weten der banck van nyvele verstorve(n)/ en(de) bleve(n) wae(re)n opder voirs(creven) joffr(ouwe) katline(n) want dier banck recht/ wae(re) dair de voirs(creven) goede ond(er) gelege(n) sijn te wete(n) de banc van/ le(n)neke en(de) desgelijx oec shoets recht dat also wael goede die/ van svaders en(de) moeder wegen come(n) sijn versterve(n) op gheesteleke/ p(er)sone te wete(n) no(n)ne(n) m mo(n)nicken en(de) ande(re)n geordende(n) lieden/ als op weerleke dochte(re)n getruudde ma(n)nen hebbende Voirt dede(n)/ de voirs(creven) gebruede(re) seggen dat de voirs(creven) joffr(ouwe) katline come(n) wae(re) voir/ meyere en(de) scep(en)en van le(n)necke(n) dair de voirs(creven) goede hove(n) en(de) hedde/ dair der voirs(creven) goede gederft met alle(n) pointe(n) van rechte en(de) hedde/ dair inne gegoet en(de) geerft de voirs(creven) gebruede(re) en(de) dat sij dat en(de)/ desgelijx alle gheesteleke en(de) geordende liede wael doen mocht/ en(de) des mechtich was sonder consent van hoe(re)n ov(er)sten en(de) cloest(er)/en(de) dat alle dese poenten wair sijn dat boden de voirs(creven) gebruede(re) te/ nae dier banc recht en(de) nae shoets recht Ende dat alle dese/ poenten wair sijn dat boden de voirs(creven) gebruede(re) te thoene(n) ende/ met den mynsten dair sij mede liden mochte(n) inde(n) rechte hopen/ en(de) seggen soe wair sij dese poente(n) gethoene(n) consten dat hen de/ voirs(creven) goede volgen selen en(de) sculdich sijn te volge(n) mer oft den/ voirs(creven) ja(n)ne van stalle oft den ghene(n) die hem den brief bekent/ hebben geliefde te come(n) inden hof dair de voirs(creven) goede hove(n) dat/ geliefde den voirs(creven) gebruede(re)n oec wael oft also verre dat den he(re)n/ den scepen(en) van love(ne)en gelieft Met meer woirden en(de) reden(en) die/ sij dair toe deden seggen dair op de voirs(creven) jan van stalle hem/ verantwerde en(de) dede seggen [dat] hem en(de) sine(n) beleide de voirs(creven) aensprake/ aen de voirg(enoemde) goede gheen onstade doen en soude nae dien dat/ hij hoepte dat de voirs(creven) gebruede(re) niet thoene(n) en soude(n) des sij he(m)/ vermete(n) hadden [oec] want bijder stat van bruessel seker t(er)minacien en(de)/ uutsprake(n) tusscen he de ghene die hem den brief bekent hadden en(de)/ de voirs(creven) joffr(ouwe) katline met co(n)sente der mo(m)boe(re)n vande(n) voirs(creven) godshuyse/ van sent jans vande(n) voirs(creven) goede(n) gesciet wae(re)n dair mede de/ selve joffr(ouwe) katline hoir der voirs(creven) goede quijtgedaen hadde en(de)/ soe wae(re)n die [goede] dair mede op hem come(n) Seyde oec voirt dat/ de ghene die hem den brief bekent hadden dair mede hij ge/ leit es nae m(ijn) gened(igen) he(re)n heer. heerlich(eit) van brab(ant) en(de) nae
//
sijnre stat recht van loven(en) de naeste erfgename(n) wae(re)n vande(n) voirs(creven)/ goeden en(de) van wittigen bedde des voirs(creven) wilen jans rave(n) en(de) dat/ dese pointe(n) wair wae(re)n dat boet de voirs(creven) jan van stalle te thoene(n) en(de)/ mette(n) mynsten dair hij inde(n) rechte mede liden mochte hoepte/ en(de) seyde nae de t(er)minacie voirs(creven) en(de) nae thoenis dat hij boet dat/ hem en(de) sijne(n) beleide de voirs(creven) goede volgen souden en(de) sculdich sijn te/ volgen met meer redene(n) en(de) woirden die hij dair toe dede segge(n)/ desen aengehoirt maende de meyer van loven(en) de scepen(en) van lov(en)/ die wijsden beyde de p(ar)tien tot hoe(re)n thoenisse Ten dage van thoe/ nisse thoenden de voirs(creven) gebruede(re) clairlic en(de) openbairlic tgheen/ des sij hen in hoe(re) aenspraken hadden vermeten Ende de voirs(creven) jan/ van stalle dede lesen inden rechte een t(er)minacie bijder stat van bruess(el)/ get(er)mineert begripende vander bladingen vande(n) voirs(creven) goede(n) dair inne/ dat den bodem noch den gront vande(n) voirs(creven) goeden niet genoempt/ en was en(de) thoende oec dat [de] gheen die den brief bekent hadde(n)/ dair mede hij beleit was den voirs(creven) wilen ja(n)ne den rave ten derde(n)/ ten vierden en(de) ten vijfsten wae(re)n met meer thoenissen [die] ind(er) saken/ weynich dienden also dat ten eynde de scepen(en) van loven(en) gemaent/ vande(n) meye(r) wijsden en(de) sette(n) [met hoe(re)n vonnisse] de voirs(creven) p(ar)tien inden hof dair de voirs(creven)/ goede hove(n) recht te gheve(n) en(de) te neme(n) pynnoc lomb(ar)t abs(oloens) wit(te)[ma(n)]/ vynck voshem augusti ultima